Noriichten

/ ALVA warnt virun Import vun Déieren aus Drëttlänner

Veterinärs- a Liewensmëttelinspektioun

24 Okt. 2024 - 15h42

ALVA warnt virun Import vun Déieren aus Drëttlänner

D‘Veterinärs- a Liewensmëtteladministratioun ALVA warnt virum Import vun Hënn an aneren Déieren aus Drëttstaaten, ouni datt bestëmmte Reegelen agehale ginn. D‘Déiere musse gechippt a géint d‘Tollwut geimpft sinn, eng Veterinärskontroll 48 Stonne virum Import ass virgeschriwwen.

1 min

Foto: Morgane Weidig

Wéi d‘ALVA schreift wiere rezent 8 Hënn illegal aus Serbien importéiert ginn, d‘Déiere goufe konfiszéiert an a Quarantaine gesat.

D‘ALVA gesäit den Trend fir Déieren aus anere Staaten z‘importéieren, wéi Rumänien oder Spuenien, kritesch a réit generell dovunner of. Et wier besser en Hausdéier aus engem Lëtzebuerger Déierenasyl z‘adoptéieren.