Aktuell sinn 39 Déiere positiv op d‘Blozongekranheet getest ginn. Dorënner 25 Kéi, 13 Schof an eng Geess. Am ganze si 28 Betriber betraff, sou nach d‘Prezisioun vun der ALVA. Wéinst der epidemiologescher Situatioun an den Nopeschlänner géif och zu Lëtzebuerg eng Infektiounswell erwaart ginn.
Den Impfstoff gouf scho bestallt an d'Veterinären a Veterinärinne géife schnellstméiglech iwwer d‘Disponibilitéite Bescheed gesot kréien. D‘Impfung wier fräiwëlleg, gëtt awer vun der ALVA recommandéiert.