Media & Me: Delai fir Aschreiwunge verlängert

Media and Me_2022_1200x667px.jpg

Wéi och déi Jore virdrun ass de radio 100,7 Partner beim Projet Media & Me - Backstage bei Medienberufen.

Bei dësem Projet kréie Jonker aus Lëtzebuerg, Däitschland, Frankräich an der Belsch d'Méiglechkeet d'Medielandschaft an der Groussregioun kennenzeléieren, fir en Abléck an eng spéider Beruffsorientatioun ze kréien. Interesséierter kënne bis de 25. Mäerz eng Kandidatur op info@media-and-me.de aschécken. Dës Kandidatur kann a Form vun enger Lettre de motivation, engem Video- oder Audiobäitrag, oder op eng aner kreativ Aart a Weis gemaach ginn.

Eng onofhängeg Jury sicht sech da bis zu 15 Kandidaten eraus, déi vun Abrëll bis Oktober an engem ëmfaassende Programm hanner d'Kulisse vun de verschiddene Medienhaiser luusse kënnen, fir eng Virstellung ze kréien, wat et heescht an engem Medieberuff ze schaffen.

D'Organisatioun vum Projet Media & Me iwwerhëlt MedienNetzwerk SaarlorLux e.V. mat der Ënnerstëtzung vun der Landesmedienanstalt Saarland. 26 Medienhaiser aus véier Länner huelen dëst Joer um Projet deel.

Fir weider Informatioune kënnt Dir Iech dës Dokumenter ukucken:

Media and Me - Bewerbungsphas (DE)
Media and Me - Bewerbungsphas (FR)

LMS Flyer M&M 2022 (DE)
LMS Flyer M&M 2022 (FR)
Media and Me - Poster 2022 (DE)
Media and Me - Poster 2022 (FR)

Hei am Video kritt Dir vun dräi Participante vum leschte Joer hir Erfarunge matgedeelt:

 

Net verpassen

Programm

Dossieren

  • Alles iwwer de Podcast Schlechte Schüler

    An eisem Dossier fannt dir sämtlech Episode vun eisem Podcast Schlechte Schüler, Interviewe mat Schoulexperten an déi komplett Transkripter vun den eenzelnen Episoden.

  • Chamberwalen 2023

    Den 8. Oktober gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen