De Spëtzekandidat vun den europäesche Sozialiste weist sech zefridden iwwer d’Resultat vu senger Fraktioun, déi déi zweetstäerkste Fraktioun am Europaparlament bleift, sou den Nicolas Schmit am 100,7 Interview. Hien huet och betount, datt een nëmme mat pro-europäeschen Parteien Europa no fir brénge kéint, dofir huet hien der Ursula von der Leyen hir Ausso begréisst, déi ugedeit huet, eng “Mauer no riets” bauen ze wëllen. Lo misst een ee Koalitiounsprogramm mat den anere Fraktiounen aushandelen.
Zu de lëtzebuergesche Resultater huet hien dem Marc Angel fir säi gutt Resultat felicitéiert an d’LSAP als Gewënner vun dëse Wale bezeechent, déi jo mat 9,53 Prozentpunkten am meeschten am Verglach zu den anere Lëtzebuerger Parteie gewonnen huet.
