One World
Honky Tonk
56 min
De Soundtüfftler Degiheugi vu Saint-Malo remixéiert der Brigitte Bardot hiren “Un jour comme un autre”.
Drugdealer nennt sech d’Formatioun ronderëm de Frontman Michael Collins. Si loosse mat hirem Album “Hiding in Plain Sight”, dee virun engem Joer erauskoum, hir Léift fir de Sound aus de 70er erkléngen.
case/lang/veirs ass de kanadesche Supergrupp, deen aus dem Neko Case, k.d Lang an der Laura Veirs besteet. E Folk, dee bekannte Klacke laude léisst …
Déi an der Ukrain gebuere Pianistin Svetlana Andreeva huet en neien Album, dee “Synesthesia” iwwerschriwwen ass. D’Stécker sinn aus der Fieder vum franséischen zäitgenëssesche Komponist Christian Schittenhelm.
D’Emahoy Tsegué-Maryam Guèbrou, kuerz Emahoy, déi am Alter vun 99 Joer gestuerwen ass, war eng klassesch geschoulte Musekerin an eng Nonn. Hiert Spill, dat mat kengem aneren ze vergläichen ass, refletéiert all d’Etappe vun hirem aussergewéinleche Liewen. Esou ass hire Klang eng kuriéis Fusioun aus Fin de siècle Piano, Gospel, Ragtime, ethiopescher Volleksmusek an de choralen Traditioune vum Land senger orthodoxer Kierchemusek. Sakral a profan zugläich.
Deen an England baséierte Quintet Me and My Friends schaaft eng soulful Musek mat Referenzen un den Highlife, Afrobeat an de Folk.
De Bernard Lavilliers ass zanter 1965 aktiv an ass geschat fir säin eenzegaartege Melange aus franséischer Chanson, Rock, Reggae, Salsa a Bossa Nova. Grad esou eenzegaarteg ass säin Asaz fir ënnerdrëkte Vëlker. D’Musek an d’Texter si beaflosst vu senge ville Reesen, notamment a Südamerika.
Playlist:
1. Degiheugi - Un Jour Comme Un Autre (Moderator Remix) - Remixed Treasures
2. Drugdealer - Pictures of You (feat. Kate Bollinger) - Hiding in Plain Sight
3. case/lang/veirs - Greens of June - Case / Lang / Veirs
4. Fairport Convention - Who Knows Where the Time Goes? - The History of Fairport Convention
5. Nana Rashid - Poor Blue Betty - Music for Betty
6. Svetlana Andreeva - Through the Window - Synesthesia
7. Emahoy Tsegué-Maryam Guèbrou - The Homeless Wanderer - Spielt Eigen Kompositionen
8. Mark Lanegan & Duke Garwood - Black Pudding - Black Pudding
9. Me and My Friends - To My Dear (Rework) - To My Dear (Rework) - Single
10. KOKOROKO - Carry Me Home - Carry Me Home - Single
11. Julien Daïan Quintet - Trop c'est trop - CUT-UP
12. Bernard Lavilliers & Bonga - Angola - Causes perdues et musiques tropicales
13. Omar Sosa - Ravann Dan Jazz (feat. Menwar) - An East African Journey