De Festival fir Al Musek zu Veianen gëtt et dëse Summer fir déi sechste Kéier. De Samschdeg (15.06.) ass den Erëffnungsconcert an de leschten Event ass de 7. Juli. Fënnef verschidden Eventer, dorënner haaptsächlech Concerten, bidden d'Méiglechkeet fir Instrumenter ze héieren, déi hautzedaags soss guer net méi gespillt ginn.
De Christophe Mirkes huet beim Organisateur Rosch Mirkes nogefrot, wat dës Editioun vun där vu virdrun ënnerscheet.