Mat den Eltere mam Auto an d'Schoul? Oder awer léiwer zu Fouss? Fir d'Schüler an d'Elteren ze motivéieren, op den Auto ze verzichten, huet d'Stad Lëtzebuerg e Concours fir d'Grondschoulen organiséiert.

D'Klimakäschte wieren am niddregsten, wann d'Äerderwiermung weltwäit op zwee Grad begrenzt gëtt. Dat ass d'Conclusioun vun enger rezenter Etüd, déi d'Käschte vum Klimaschued mat de Käschte vum Klimaschutz verglach huet.

Zanter 2004 setzt sech d'Gesellschaft fir Musiktherapie zu Lëtzebuerg fir d'Promotioun an d'Reglementatioun vum Beruff an. Musekstherapeut oder -therapeutin ass zu Lëtzebuerg net offiziell unerkannt.

Déi nei Biografie vum Amerikanist Gerd Hurm liwwert een Iwwerbléck op Wierk an Liewe vum Edward Steichen. D'Buch ass duerchaus liesenswäert, trotz där enger oder anerer Schwächt, fënnt de Mohamed Hamdi.

D'Tessie Jakobs ass Journalistin a war beim Podcast "Méi wéi Sex" mat dobäi. Fir si ass et kloer, datt et nach ëmmer net selbstverständlech ass soen ze soen: Ech hu meng Reegel.

Nei Fuerschungen zur Haltung vum Lëtzebuerger Staat zu de Judden an der Nokrichszäit: de Forum Z vum C2DH huet sech mat der Geschicht an der Memoire vum Holocaust beschäftegt.

D'Linguistin Caroline Döhmer schafft beim Zenter fir d'Lëtzebuerger Sprooch an erzielt eppes iwwer Schreiwen a Schwätzen. Jee nodeem wat mer maachen, ass och d'Sproochstruktur eng aner.

Fräiheet implizéiert Verantwortung, an net all Mënsch ka verantwortlech handelen. Psychopaten an Triebtäter: Wat bedeit dat, wa verschidde Leit sech net am Grëff kënnen hunn?

An hirem Rapport Suffering In Silence huet d'ONG CARE eng Lëscht mat zéng humanitäre Krisen opgestallt, iwwer déi 2019 wéineg oder guer net geschwat gouf. Néng dovunner sinn an afrikanesche Länner.