Zousätzlech zu sengem traditionelle Salon am Hierscht organiséiert de Cercle Artistique de Luxembourg thematesch Ausstellungen. Den Ament ass eng Ausstellung mam Thema Identitéit am Hollerecher Carré.

Virtuell Realitéit oder 360 Grad-Filmer sinn déi nei Vedetten dëst Joer um Filmfestival zu Cannes. D'Lëtzebuerger Filmindustrie wëll mat op den Zuch vun dësen neie Formen aus der Branche sprangen.

"Naples-Dresde" erzielt vun der franséischer Schrëftstellerin Marie Darrieussecq hirem Hausbesuch an deenen zwou europäesche Stied. Am Wierk thematiséiert si ënner anerem déi zerstéiert Stad Pompei.

"Miroirs toubles / Dunkle Spiegel" ass e musikalescht Theaterstéck vum Mani Muller a Carole Lorang am Kapuzinertheater. Et geet ëm Gesëschterrelatiounen, déi ëmmer do sinn. Egal ob ee sech versteet oder net.

De Prix Servais 2017 geet un d'Nora Wagener. Dat bedeitend Wierk "Larven - Kurze Geschichten" benotzt eng impressionnant Sprooch, déi voller Biller a stilistescher Diversitéit ass, fënnt de Jury.

Op der 57. Konschtbiennale vu Venedeg keeft sech de Regime vum Aserbaidschan eng wäiss Veste. De Staat tëscht dem Kaspesche Mier an dem Kaukasus presentéiert eng Ausstellung, déi net onëmstridden ass.

Höhlemolereien an aner Mythen: de Cueva-Kollektiv invitéiert zu Esch op d'Expo "Uecht" mat 93 Kënschtler. Si all wëllen op dräi Stäck eng al Autosgarage nach eemol opwäerten, ier se ofgerappt gëtt.

Lëtzebuerg soll een neien, méi zentrale Pavillon zu Venedeg kréien. Dem Mike Bourscheid seng Skulpturen-ähnlech Kostümer ginn awer nach an de Raimlechkeete vun der Ca Del Duca ausgestallt.

Leeft déi laang a mouvementéiert Geschicht vun der Entwécklungsaarbecht op en Echec eraus? Fest steet: Si ass kee Wonnermëttel géint Migratioun.

De Georges Hausemer gewënnt de Prix Batty Weber fir säi Liewenswierk. Den Auteur ass besonnesch houfreg, datt seng Reesliteratur als e wichtegen Deel vu sengem Gesamtwierk eescht geholl gëtt.