Mat fragille Frae beschäftege mer eis dës Woch am Grousse Kino: "Promising young woman", "Becoming Mona" an de Film noir-Klassiker "Gilda".

Wat geschitt mat Lëtzebuerg nom potentiellen Eeschtfall zu Cattenom? An der hybrider Filmproduktioun "An Zéro" léise sech Aschätzunge vun Experten a fiktiv Zeenen of. Déi Mëschung ass net gelongen.

D'Capybaraen musse virun de Jeeër flüchten a sichen Hëllef um Héngerhaff. D'Hénger allerdéngs sinn net begeeschtert, datt hiren Alldag op d'Kopp geheit gëtt. E beréierend Kannerbuch vum Alfredo Soderguit, wat elo op Lëtzebuergesch iwwersat gouf.

Wat mécht de Ris am Beetebuerger Mäerchepark eigentlech, wann en net schléift? Dat goufen d'Leit aus der Beetebuerger Gemeng gefrot. Aus den Iddië sollen den Andy Genen an de Lucien Czuga da Geschichte fir e Comic entwéckelen.

D'Dessinatrice Coco ass ee vun den Iwwerliewende vum Attentat op d'Redaktioun vum Charlie Hebdo. An "Dessiner encore" moolt si iwwer den Uschlag a wéi hiert Liewen op d'Kopp gestallt gouf.

"The Serpent" ass eng atmosphäresch bedréckend BBC-Fiktioun iwwer e Seriekiller, deen an den 1970er Jore westlech Touristen ausgeraibert an ëmbruecht hat. Bei wäitem net perfekt, mee léisst sech kucken.

Mam Direkter vum Mierscher Kulturhaus a President vun der Theaterfederatioun geheie mere Bléck an d'Vergaangenheet an d'Zukunft vum Kultursecteur zu Lëtzebuerg. Moderatioun: Valerija Berdi.

D'Penelope ass eng belsch Chirurgin, déi am Biergerkrich a Syrien am Asaz ass. Déi zwee Liewen aus der Graphic Novel bezéie sech op de Kontrast tëschent där Aarbecht an dem quasi normale Familljeliewen.

A sengem neie Roman "Eurotrash" fiert e fiktionaliséierte Christian Kracht mat senger alkoholkranker an inkontinenter Mamm duerch d'Schwäiz fir d'Familljefortune ze verprassen.