De geplangte Bau vun engem Hotel zu Rodange stéisst bei den Awunner op Widderstand. Zwou Biergerinitiativen hu sech dofir gëschter Owend zu Rodange am Doihl versammelt, wou den Hotel gebaut soll ginn.

Den 60. Anniversaire vum Elysée-Traité ass een Datum mat vill Symbolkraaft an déi brauch et den Ament och tëscht Frankräich an Däitschland. Déi däitsch-franséisch Relatioune si momentan ugespaant.

De Jens Kreisel wëllt op der uni.lu an dräi Beräicher besonnesch Akzenter setzen: bei der Doktesch- an Infirmiersausbildung, bei der Ëmweltfuerschung, a bei der Digitalisatioun. Hei kéime grouss Ännerungen op d'Uni duer.

D'EU-Kommissioun misst een Datum festleeën, vu wéini u Camionen a Bussen, déi nei zougelooss ginn, keng CO2-Emissiounen méi dierfen an d'Loft blosen. Dat fuerderen d'Belsch, Holland, Dänemark a Lëtzebuerg.

D'Bauere solle gestäerkt an d'Versuergung zu Lëtzebuerg soll sou wäit wéi méiglech gedeckt an nohalteg gemaach ginn. Et ginn awer Contrainte fir esou Pläng ëmzesetzen, huet et an der Chamber geheescht.

D'ProVelo A.S.B.L stellt fest, datt wat d'Sécherheet vun de Vëlosfuerer ugeet, net genuch an de leschte Jore gemaach ginn ass. Aktiv Mobilitéit soll an den nächste Jore d'Prioritéit vun der Politik ginn.

Zweeten Dag vum Prozess ëm zwee Ex-Gemengebeamte vun Hesper, si sollen d'Gemeng ëm iwwer 5 Milliounen Euro bedrunn hunn. Fir d'éischte Kéier huet den Haaptbeschëllegte selwer ausgesot.

D'Fapsylux weist sech gréisstendeels zefridden doriwwer, datt d'Gesondheetskeess deemnächst Psychotherapië rembourséiert. D'Manéier, wéi et dozou komm ass, huet hinnen awer net gefall.

Déi dräifach Epidemie, verursaacht duerch Covid-19, Bronchiolitis an der Gripp mécht och den Apdikten ze schafen. Zu Lëtzebuerg wier d'Situatioun ugespaant, mee géif sech lues erëm besseren.

Et wier net eng bewosst Strategie, d'LSAP méi schaarf z'attackéiere wéi déi zwou aner Majoritéitsparteien, sou d'Co-Parteispriecherin vun déi Lénk. Si erwaart sech vun der LSAP awer eng méi konsequent lénk Politik, sou Carole Thoma.