De Logistik-Secteur weess net, wéi en déi 48-prozenteg Reduktioun vun CO2-Emissiounen erreeche soll, déi den nationalen Energie- a Klimaplang bis 2030 vun him verlaangt. Et hätt een den Ament vill Froen, mee wéineg Äntwerten.

D'Cargolux huet decidéiert fir de Moment net méi iwwer Belarus ze fléien an domat der Recommandatioun vun der EU nozekommen, esou de Premier Xavier Bettel nom EU-Sommet zu Bréissel.

D'Chamber soll oppe leeën, wien Afloss op d'Aarbecht vun den Deputéierte wëllt huelen. Déi proposéiert Reegelen, no deenen den neie Regëster soll funktionéieren, suerge fir Meenungsdivergenzen bei de Koalitiounspartner.

D'EU reagéiert op de gestoppte Fliger vu Ryanair mat neie Sanktioune géint Belarus. Ënner anerem soll den EU-Loftraum fir Airlinnen aus Belarus gespaart ginn. EU-Fluchgesellschafte ginn opgefuerdert, net iwwer Belarus ze fléien.

D'Studentenorganisatioun ACEL wollt wëssen, wéi et de Studenten no aner hallwem Joer Corona-Kris geet: si huet eng Online-Ëmfro gemaach. 80 Prozent soen, datt si mental schlecht sinn.

"Homes for Luxembourg", esou heescht d'Propositioun vu Lëtzebuerg bei der Architektur-Biennale dëst Joer zu Venedeg. Curateur fir d'Lëtzebuerger Participatioun ass de Luxembourg Centre for architecture.

D'Gesondheetskeess huet eng Konventioun mat den Dokteschassociatiounen ënnerschreiwen fir den digitalen Echange vun Informatiounen, deen de Wee fräi mécht fir e méi séiere Remboursement vum Patient. D'Patientevertriedung bleift skeptesch.

Déi gréng Kanzlerkandidatin Annalena Baerbock huet Nieweverdéngschter ze spéit deklaréiert an geréit dofir elo an d'Kritik. Keng gutt Ausgangspositioun fir e Walkampf an deem si op Transparenz a Moralitéit setzt.

Déi däitsch Regierung ass wéi déi meescht aner stolz op hire Plan de Relance. Kritiker fannen allerdéngs, datt d'Projeten net vill anescht si wéi déi, déi schonn am Kader vum nationale Konjunkturprogramm presentéiert goufen.

Weinst den héije Wunnengspraisser, kritt d'Agence Immobilière sociale et ëmmer méi schwéier hir Missioun ze erfëllen, sou hiren Direkter Gilles Hempel. A sengen Ae missten däitlech méi Sozialwunnenge gebaut gi fir de Problem ze léisen.