Wat bedeit et fir d'Schwéngsziichter, datt d'Schluechthaus zu Wecker zougemaach gëtt? Den Eric Pesch, President vu Cochy, d'Associatioun fir d'Promotioun vum Schwéngefleesch, weist sech jiddefalls iwwerrascht.

Wéi kann ee verhënneren, datt een eenzegt Land EU-Décisioune blockéiert? Ee Group vun EU-Länner, dorenner Lëtzebuerg, wëll sech elo fir méi Majoritéits-Décisiounen asetzen.

Eng Analys am Optrag vu Greenpeace Lëtzebuerg weist: déi belsch Atomkraaftwierker Doel 4 an Tihange 3 erfëllen net déi noutwenneg Sécherheetsstandarden. D'Belsch wëll d'Lafdauer awer bis 2037 verlängeren.

De Reseau vun de sougenannte Centres d'insertion socio-professionnelle soll ausgebaut ginn. Dat huet de Claude Meisch annoncéiert. De CISP wier ee wichtegt Puzzelstéck fir géint den Decrochage scolaire virzegoen.

Esch 2022 war e Succès trotz de Probleemer déi d'Covid-Restriktiounen no sech gezunn hunn. Dat war allefalls de Fazit vun de grousse Parteien de Méindeg nodeems an der zoustänneger Chamberkommissioun de Bilan gemaach gouf.

D'Annette Willems-Kirsch, déi zu Schenge fir d'Oppositiounslëscht "Besser Zesummen" an d'Wale geet, schwätzt sech dofir aus, datt d'Gemeng Schengen hir dräi aktuell Schoulgebaier behält.

De Cluster for Logistics fuerdert, datt et fir de Logistikzenter an der Industriezon zu Contern endlech eng Léisung gëtt. Verschidde Propose leien um Dësch, mee eng definitiv Léisung nach net.

D'Gemengewalen an der Stad waren de Sujet vun enger Diskussiounsronn an der Emissioun Kaarten op den Dësch. Vertruede waren déi aacht Parteien, déi mat komplette Lëschten untrieden. Geschwat gouf iwwer d'Themen Heeschverbuet, Sécherheet, Mobilitéit a Logement.

Eng Expansioun wier fir vill Betriber ganz schwiereg, wéinst de villen Oplage beim Bauen a Gréngzonen, seet de President vun de Privatwënzer, Guy Krier. Gespréicher mam Environnement sinn amgaang.

Vu Freides bis e Méindeg sinn zu Lëtzebuerg Parlamentarier aus den 31 NATO Memberstaaten beieneen. Dobäi kommen nach eemol Vertrieder aus 25 Partnerstaaten an eng ukrainesch Delegatioun. Fir d'éischte Kéier ass och Finnland bei dëser Assemblée parlamentaire vertrueden.