De Jean-Claude Juncker ka bei der Agence London Speaker Bureau Germany erëm als Riedner gebucht ginn. D'Agence vu Karlsruhe ass op d'Vermëttlung vun héichkarätege Gaaschtriedner spezialiséiert.

LIFE huet e Projet lancéiert, deen hëllefe soll fir méi WG-Zëmmeren zu Lëtzebuerg ze schafen. Fir dëse Projet huet d'Asbl en Haus zu Zolwer kaf, an deem elo WG-Zëmmeren entsoe sollen.

Biergerrechter géint Maartzougang: D'Europaparlament fuerdert, datt d'Intensitéit vun der wirtschaftlecher Zesummenaarbecht mat Groussbritannien un d'Garantie vum Recht op fräi Zirkulatioun gebonne gëtt.

87 Prozent vum LSAP-Generolrot hu fir e Regierungsremaniement gestëmmt. De Franz Fayot gëtt Wirtschaftsminister, d'Paulette Lenert Gesondheetsministesch an delegéiert Ministesch fir d'Securité Sociale an den Dan Kersch Vize-Premier.

Nodeem d'Sylvie Mischel dëse Méindeg bei den ADR Fraen als Presidentin zeréckgewielt gouf, zéien aner Memberen hir Konsequenzen. D'Marceline Goergen an d'Nicky Stoffel hunn aus dem Comité demissionéiert.

Fir dës Grippesaison huet Lëtzebuerg 77.500 Dosisse Vaccin geliwwert kritt, esou den Direkter vun der Santé. Et géif keng Rupture de stock ginn, phaseweis goufen et awer wuel e puer Enkpäss.

EU-Kommissären musse wärend enger Karenzzäit vun zwee Joer eng Autorisatioun ufroen, éier si eng nei Aarbecht am Privatsecteur kënnen unhuelen. Dat geet net duer fir Interessekonflikter ze vermeiden, soe Kritiker.

De Georges Engel wëllt hëllefen dofir ze suergen, datt déi blo-rout-gréng Koalitioun et bis 2023 packt a säint dozou bäidroen, fir datt d'LSAP 2023 déi dräi Sëtz zeréck gewënnt, déi se bei de Walen 2018 verluer hat.

D'Corinne Cahen hätt iwwerhaapt keen Zweiwel drun, datt déi blo-rout-gréng Koalitioun et bis 2023 packt. Dat léich un engem "gudde Koalitiounsprogramm", mee och un enger grousser Kompromëssfäegkeet.

Ausser dem Lëtzebuerger Staat, deen zéng Prozent vun der Kapazitéit kaaft huet, huet d'Bedreiwergesellschaft Lux-Gov-Sat bis ewell keen anere Kontrakt ofgeschloss, sou de Verteidegungsminister François Bausch.