Schonn iwwer 100 Deeg demonstréieren d'Mënschen am Irak géint hir Regierung. Aktiviste fäerten eng Eskalatioun tëschent dem Iran an den USA, op irakeschem Buedem. D'Charlotte Bruneau huet sech mat engem Aktivist ënnerhalen.

Den Henri Grethen weist sech interesséiert um Poste vum Vertrieder vun der Regierung am Verwaltungsrot vun ArcelorMittal. Seng Cooling-off-Period géif d'Stolindustrie net concernéieren.

Aktuell lafen Diskussiounen iwwer d'Reform vum Stagegesetz. D'Studentenorganisatioun UNEL ass zefridde mat den Amendementer, déi schonn ugeholl goufen - si huet awer weider Wënsch.

Am Konflikt mam Iran kéint d'EU sech abréngen, andeem een eng Zort Sécherheetskonferenz mat den involvéierte Parteie lancéiert, seet den Ausseminister Jean Asselborn um Bord vun der Krisesëtzung zu Bréissel.

D'Aarbechten un der Reform vun der staatlecher Pressehëllef sinn op der leschter Ligne droite. D'Zuel vu Journaliste gëtt den zentrale Krittär, et geet also net méi ëm d'Quantitéit Pabeier, dee bedréckt gëtt.

D'Zich vun den CFL waren d'lescht Joer méi dacks pénktlech wéi d'Joer virdrun. De Prozentsaz vun den Zich, déi keng Verspéidung haten, wier 2019 vun 89 op 90 Prozent geklommen, esou de Marc Wengler.

Mam Ufank vum gratis ëffentlechen Transport wäerte just nach d'Guicheten an der Stad Lëtzebuerg an zu Esch-Belval op sinn. Wat bréngt dës Verännerung mat sech? D'Rahel Könen huet nogefrot.

Lëtzebuerg an der auslännescher Press: D'Bild, dat vum Grand-Duché gezeechent gëtt, ass Mol méi a Mol manner zoutreffend, mengt de Literaturwëssenschaftler an Auteur Samuel Hamen.

Déi nei Presidentin vum Verwaltungsrot vum radio 100,7 fënnt net, datt de Radio mat RTL fusionéiere sollt. E bicephale Conseil, wéi de Xavier Bettel dat virgeschloen huet, wier keng ideal Léisung.

D'Sylvie Mischel fuerdert e Wiessel un der Spëtzt vun der ADR. D'Parteispëtzt hätt sech net virun hir Leit gestallt. De Generalsekretär Alex Penning fënnt sou Aussoe "parteischiedegend" a "falsch".