Wëssenschaft Waterblitz: "Wëssenschaftler fir een Dag"
Wéi vill Nitrat- oder Phosphatwäerter sinn an de Gewässer hei zu Lëtzebuerg? A wou kéinten eventuell Pollutiounssourcë sinn? Mam Projet Waterblitz soll dat erausfonnt ginn.
Et ass e participative Projet, bei deem jiddwereen, deen interesséiert ass, ka matmaachen. Bis de 15. September kann ee sech iwwer dëse Link registréieren. Duerno kritt een e sougenannte Waassertestkit heem geschéckt. Domat kann een dann den Nährstoffgehalt an de Gewässer tëschent dem 20. an dem 23. September moossen.
Daten ausliese per App
De Waterblitz-Projet ass Deel vum Programm Nexus Citizen Science vun der Universitéit Lëtzebuerg. D'Zil dovun ass et, mat interesséierte Gruppen aus Lëtzebuerg respektiv de Biergerinnen a Bierger ze kollaboréieren. D'Donnéeën, déi dobäi erauskommen, kann een iwwer d'Fresh Water Watch Applikatioun direkt eroplueden.
Eng Applikatioun, déi ee sech op sengem Smartphone gratis kann eroflueden. Heibäi kann een d'Donnéeën direkt op der Plaz aginn an och eroplueden.
Et kann ee sech awer och e Formulaire eroflueden, D'Donnéeën notéieren a spéider iwwer Internet op der Säit vum Earthwatch Institute androen.
E kompletten Iwwerbléck iwwer d'Nährstoffer
Zil vum Projet wier et, esou de Karl Pickar, Doktorand op der Uni Lëtzebuerg, sou vill wéi méiglech Donnéeën ze sammelen an en Iwwerbléck iwwer d'Nährstoffer ze kréien, déi an de Gewässer sinn. "Wann héich Nitrat- a Phosphatwäerter am Waasser dra sinn, bilde sech méi Algen a Planzen, déi dem Waasser Sauerstoff entzéien. Den Ekosystem ass dann net méi am Equiliber."
En Iwwerbléck iwwer d'Pollutioun kréien
Et wier e Sujet, deen all Mënsch géif concernéieren, esou de Karl Pickar. "Déi ganz Thematik vun der Waasserqualitéit ass esou komplex. Do mussen d'Bierger mat agebonne ginn." Nom Weekend ass et och jiddwerengem fräi zougänglech kucken ze goen, wéi d'Donnéeë vun de Gewässer ausgefall sinn.
D'Wëssenschaftler aus Lëtzebuerg, esou wéi aus de Stied London, Dublin a Paräis, déi och beim Projet matmaachen, wäerten d'Donnéeën aus. Si erhoffe sech doduerch méi Erkenntnisser iwwer den Nährstoffgehalt an de Gewässer ze kréien an esou erauszefannen, ob a wéi héich d'Pollutioun an de Gewässer ass.
An der Mediathéik:
LauschterenMéi zum Thema
Wéi vill Waasser verbraucht den Datenzenter?
De Mouvement écologique kritiséiert, datt nach ëmmer net kloer wier, wéi vill Killwaasser de Google-Datenzenter wäert verbrauchen. Dat géif awer beim Ëmklasséiere keng Roll spillen, seet de Jos Schummer.
Bewosstsi fir d'Waasser als Ressource feelt
Dat waarmt Wieder beaflosst d'Drénkwaasserversuergung, seet d'Waasserverwaltung. Laangfristeg hannerléisst awer och de Klimawiessel do déifgräifend Spuren, zum Beispill um Niveau vum Grondwaasser.
Gëtt et genuch Waasser fir d'Jughurtfabrick?
Déi geplangte Jughurtfabrick zu Beetebuerg géif bei maximaler Auslaaschtung all Dag 3.500 Kubikmeter Drénkwaasser verbrauchen. Kann den SES dës Quantitéit liwweren a wat geschitt mam Waasserpräis?
Waasser als politescht Drockmëttel a Palestina
D'Palestinenser am Westjordanland an an der Gazasträif leiden ënner Waassermangel. Et gi genuch Reserven, mä d'Palestinenser brauche fir all Bur eng Autorisatioun vun der israelescher Militärverwaltung.
Waasser als Wuer
D'UNO huet den Accès zu Drénkwaasser als Mënscherecht deklaréiert. Trotzdem ginn et iwwerall op der Welt Wasserkonflikter. Hannendru sti wirtschaftlech Interessien - d'Waasser gëtt kommerzialiséiert.
