Warnung viru falsche Kollekten "Mir huele kee Boergeld"
An engem Communiqué warnen Amnesty International, Greenpeace, Handicap international, Medecins sans Frontières an Unicef Lëtzebuerg viru falsche Kollekte vun Onéierlechen, déi am Numm vun dësen ONGe Sue sammelen.
E Problem, deen et awer net nëmme wärend de Chrëschtdeeg gëtt, seet den Anthony Jacopucci, Responsabele fir d'Kollekte bei Handicap International. Et wier awer méiglech, datt de Phenomen um Enn vum Joer kéint an d'Luucht goen. "D'Täter wëssen datt se elo méi Chance hunn Suen ze kréien, well d'Mënsche vläicht méi oppe si Suen ze spenden."
An der Moyenne géifen d'ONGen zweemol an der Woch Bescheed gesot kréien, datt esou falsch Kollekten ënnerwee sinn. An et géifen e puer Saache ginn, un deenen een dës Onéierlecher erkenne géif, sou den den Anthony Jacopucci. Zum Beispill géife seriö ONGe kee Boergeld froen an d'Mataarbechter wiere iwwer d'Aarbecht an d'Projete vun hirer ONG informéiert. "Se wëssen zum Beispill a wéi enge Länner mir täteg sinn", seet den Anthony Jacopucci.
"Eis Volontairen hunn dann och Kleeder mat eisem Logo un an e Badge, mat dem Numm an enger Telefonsnummer, op déi en uruffe kann a nofroen, ob se tatsächlech fir eis schaffen."
Déi falsch Kollekte géif et iwwerall ginn, seet den Anthony Jacopucci, an Akafszentren, op engem Parking, op der Strooss oder och am ëffentlechen Transport.
An der Mediathéik:
LauschterenMéi zum Thema
Wéi schaffen ONGen am Westjordanland?
D'Noga huet fir hir Masteraarbecht ee Mount am Westjordanland verbruecht. Si ass an Israel gebuer, ass awer gréisstendeels an England opgewuess. D'Fanny Kinsch huet d'Noga an engem Park zu London getraff.
Ronn 23 Millioune fir sechs ONGen
Sechs Lëtzebuerger ONGe ginn zënter Januar mat 22,7 Milliounen Euro vum Kooperatiounsminsitère ënnerstëtzt. Dat bréngt méi Méiglechkeeten, awer och méi Contrainte mat sech, soen déi betraffenen ONGen.
"Méi Koherenz vun de Politiken"
De President vum Cercle des ONG de Développement fuerdert méi Koherenz an de Beräicher Handel, Ëmwelt a Klimaschutz. De Kofinanzement vun 80 Prozent soll fir méi Organisatiounen zougänglech sinn.
ONGen ënner Drock
Déi staatlech Kooperatiounspolitik géif d'ONGen ënner Drock setzen, seet den Dietmar Mirkes. Verschidde Projete misste gestoppt ginn, bedauert de Mataarbechter vun "Action Solidarité Tiers Monde".
