Sot emol Karin Kremer: E Liewen an, mat a fir d'Kultur

D'Karin Kremer ass zanter laangem am Kulturliewen ënnerwee, an hir lescht Statioun virun der Pensioun war d'Mierscher Kulturhaus, wou si d'Schlësselen Enn 2018 un de Claude Mangen weider ginn huet.

Jean Claude Majerus

Karine Kremer

D'Häerz huet der Karin Kremer awer geblutt, wéi se gewuer gouf, wat fir Schied d'Héichwaasser am Kulturhaus zu Miersch hannerlooss huet. A gläichzäiteg deet se den Hutt of virun der Solidaritéit vun de Mënschen, fir dem Kulturhaus ze hëllefen.

"Ech hoffen, datt Solidaritéit en neien Elan kritt"

Schonn an der Pandemie huet een am Kultursecteur d'Solidaritéit gespuert an no den Iwwerschwemmung war se nees do. Der Karin Kremer hire Wonsch ass awer, datt déi Solidaritéit nohalteg ass.

"Ech wënsche mer, datt déi Solidaritéit net nëmmen an deem dote Secteur bleift, mee datt se erëm e neien Elan kritt, iwwerhaapt en general, par rapport zu deem, wat haut an eiser Welt dorëmmer geschitt. Vläicht net méi schlëmm oder manner gutt, wéi virun engem Joerhonnert an awer: mir liewen elo. Ech hunn heiansdo d'Gefill, datt mer net alt ze vill geléiert hunn a schnell Saache vergiessen."

"Nee, Nee, Nee.....op kee Fall!"

Et gëtt wuel kee méi kloren "Nee" op d'Fro: "Huet Politik Iech ni tendéiert?", wéi der Karin Kremer hire "Nee":

"Ech sinn éischtens ongleeflech diplomatesch, dat heescht d'Diplomatie hätt ech komplett op d'Kopp gehäit. Nee, Nee, also dat war en Domaine, Nee. Et ass wichteg, datt Leit et maachen, ech muss och soen "Chapeau" fir déi, déi et maachen. Ech muss awer och soen "Wow" fir déi, wou déi Ki astiechen an déi versichen Decisiounen ze huelen."

Genee an deem Kontext huet d'Karin Kremer sech awer ni verstoppt. Wann eng Decisioun ze huelen war, huet si se geholl. Dofir seet d'Karin Kremer: "Och eng schlecht Decisioun ass ëmmer besser wéi keng Decisioun."

An der Mediathéik:

Sot emol / / Jean Claude Majerus
Lauschteren

Méi zum Thema

Simone Asselborn-Bintz
SOT EMOL

"Ech wollt zwou Saachen a mengem Liewen ni maachen: op de Radio schaffe goen a Politik maachen" seet d'Simone Asselborn-Bintz - also genee zwou Saachen déi hir Mamm mat ganz vill Dévouement gemaach huet.

Ben Thuy
Sot Emol

Wisou ginn et keng Mammute méi? War de Neandertaler wierklech an enger Sakgaass vun der Evolutioun? De Ben Thuy erfuerscht dës Froen als Paleontolog a sengem Alldag.

 

Net verpassen

Programm

Dossieren

  • Klimakonferenz zu Glasgow

    Déi gréissten Weltklimakonferenz zanter Paräis fënnt tëscht dem 31. Oktober an 12. November zu Glasgow statt. Fir eis op der Plaz ass eise Korrespondent Philip Crowther.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen