Astronautentraining Kanner fir Sport a gesond Ernärung begeeschteren

Mission X -Trainéiere wéi en Astronaut, ass en internationale Schoulprojet, bei deem Lëtzebuerg dës Joer fir déi éischte Kéier matmécht. D'Iddi ass et d'Kanner fir Sport, Wëssenschaft a gesond Ernärung ze begeeschteren an dat am Kontext vum Weltall.

Pit Walté / cbi

Astronaut
Foto: Claude Piscitelli

Fir dëse Projet huet déi europäesch Weltraumagence ESA, eng Rei vun Übungen entwéckelt, déi genee dës Begeeschterung vermëttele sollen. D'Schoulpersonal kéinten déi dann an hire Klasse benotzen, seet d'Gina Reuland vun ESERO, e gemeinsame Projet vum Luxembourg Science Center an der ESA.

"Dat ass engersäits am Science-Cours, wou si eppes iwwer Energiebedarf an Ernärung léieren, wat d'Astronauten do genee brauchen. Anerersäits ass dat an de Sportscoursen, an deenen ee wéi en Astronaut trainéiert, an een och léiert, firwat déi esou fit musse sinn."

19 sportlech Aktivitéite goufe vun der ESA fir d'Mission X entwéckelt, Kraaftübungen oder och Übungen, bei deenen d'Reaktiounszäit trainéiert gëtt. Dat alles am Kontext vum Weltall, well dat de Kanner dann direkt besser gefale géif, seet d'Gina Reuland.

Fir de Lancement vun der Campagne leschte Freideg gouf en Event am Luxembourg Science Center zu Déifferdeng organiséiert, bei deem ronn 120 Schoulkanner matgemaach haten. Ënner anerem hat een Apparater vum Space Center geléint kritt, esou datt d'Kanner och wierklech wéi Astronauten trainéiere konnten.

Nach bis Mee wäert Mission X -Trainéiere wéi en Astronaut weidergoen. Jofferen a Schoulmeeschteren, déi interesséiert si mat hire Klasse beim Projet matzemaachen, fannen d'Informatiounen op www.esero.lu.

An der Mediathéik:

Aktuelles / / Pit Walté
Lauschteren

Méi zum Thema

FC ESCH UNITED
Lieweg Integratioun

Viru ronn zwee Joer wollt de Stefan Guden fir seng Bachelor-Aarbecht analyséieren, wéi Integratioun duerch Sport funktionéiere kann. Aus dem Projet ass den FC Esch United entstanen, deen elo schonn 20 Spiller zielt.

Virstellung Space Master uni.lu
New-Space-Secteur

D'Uni Lëtzebuerg bitt vun dësem September un en neie Studiegang. De sougenannten interdisziplinäre Space-Master. Doduerch soll Lëtzebuerg sech europawäit am New-Space-Beräich un der Spëtzt positionéieren.

Praktesch Infoen

Dossieren

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

  • Gratis ëffentlechen Transport

    Den ëffentlechen Transport zu Lëtzebuerg ass vum 29. Februar u gratis. Dat haten d'Majoritéitsparteien Enn 2018 esou decidéiert. An eisem Dossier fannt Dir all eis Artikelen zum Theema.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen