Zäitspuer: Episod 3 Kachrezepter mat Politik: Esou huet Fraen-Radio an de 50er geklongen
Fraen um Radio ze héieren ass haut zimmlech normal. Dat war awer net ëmmer esou: An der neier Zäitspuer-Episod kënnt dir iech ulauschteren, wéi Sendunge fir Fraen an de 50er Jore geklongen hunn.
Original Opnamen aus der Zäit vun de 50er Jore ginn et praktesch keng méi. Déi meescht Radio-Emissioune sinn deemools nämlech live iwwer d'Antenn gaangen, ouni datt e Band matgelaf ass.
D'Historiker Jens van de Maele a Julia Harnoncourt hu fir d'Online-Ausstellung "Minett Stories" awer nogestallt, wéi Fraen-Radio sech an de 50er Joren unhéieren huet. Eraus komm ass d'Audio-Stéck "Zuhause mit Ketty und Catherine".
Wéi ass dat Stéck entstan? A wat seet et iwwer déi gesellschaftlech Stellung vun de Fraen direkt nom zweete Weltkrich aus? Dat freet de Rick Mertens d'Julia Harnoncourt an der drëtter Episod vun der Zäitspuer.
An der Mediathéik:
LauschterenMéi zum Thema
Esch 1918: Eng brutal Rebellioun, déi séier nees vergiess gouf
Wann een un d'Lëtzebuerger Geschicht denkt, si Rebellioune mat Sécherheet net dat éischt, wat engem an de Kapp kënnt. Dat heescht awer net datt et der ni gouf: Ee Beispill fënnt een 1918 zu Esch-Uelzecht.
Grujeleg Accidenter an Iessen ewéi um Haff
1981 huet déi lescht Eisenäerz-Minn zu Lëtzebuerg zougemaach. Wéi war den Aarbechtsalldag ënner dem Buedem deemools? An der Sendung "Zäitspuer" komme Leit zu Wuert, déi d'Minnenaarbecht selwer materlieft hunn.
