Sot emol Joseph Rodesch: Wëssenschaft lieweg erkläert

De Joseph Rodesch ass ville Leit zu Lëtzebuerg wuel besser bekannt als de "Mister Science", deen de Kanner an Erwuessenen d'Wëssenschaft op eng zougänglech Aart a Weis méi no bréngt. Als Member vun der Band "Les 5 à Six" geet hien awer och senger Léift fir d'Musek no.

Jean Claude Majerus / rb

Joseph Rodesch
De Wëssenschaftsvermëttler Joseph Rodesch ass och als "Mister Science" bekannt

De Joseph Rodesch ass studéierte Chimist a schafft als Wëssenschaftsvermëttler beim Fonds National de la Recherche. Vill Leit kennen hien als "Mister Science" duerch seng Emissiounen op Tëlee a Radio, wou hien d'Wëssenschaft a wëssenschaftlech Froe probéiert op eng verständlech Manéier ze erklären:

"Dat ass eppes, wat ech schonn op der Uni gemierkt hunn, do hat ech verschidde Kolleegen, wann ech déi eppes gefrot hunn, si solle mir eppes erklären. Dann hunn si just gefachsimpelt a mir ze verstoe ginn, dat ech guer keng Anung hunn. Wann s de nëmmen eng Ureiung vu Fachwierder kriss, da muss de dech esou konzentréieren - an da versteet een iergendwann guer näischt méi."

Genee dat probéiert de Joseph Rodesch als Wëssenschaftsvermëttler ze evitéieren an esou besonnesch de Kanner d'Wëssenschaft méi no ze bréngen.

"Les 5 à Six"

Nieft der Wëssenschaft gehéiert awer och d'Musek zum Joseph Rodesch senge Passiounen, deen an der Lëtzebuerger Band "Les 5 à Six" Bass spillt. Si spillen akustesch Coveren an Interpretatioune vu Rock-Lidder, déi hinne gutt gefalen. Hir rar Concerte gläichen awer éischter enger Party wéi engem Concert:

"Doduerch datt s de nëmmen e Concert pro Joer spills, kommen d'Leit och. Si wëssen: Dat do ass einfach eng grouss Party, et ass ëmmer e risege Furri. Mee leider hate mir zwee Joer kee Concert. Mir hunn elo ee geplangt - mol kucke wat dat gëtt."

D'Bandmembere vu "Les 5 à Six" hu vill Spaass an hire Prouwen. Dës Freed um Zesummespill géif och esou op der Bün eriwwerkommen, mengt de Joseph Rodesch. Si wieren alleguer keng Top-Museker, géife live awer fir eng flott Ambiance suergen.

D'Wëssenschaft ass an de Mëttelpunkt geréckelt

Zanter der Corona-Pandemie hätt d'Wëssenschaft an der Gesellschaft e méi héije Stellewäert kritt, mengt de Joseph Rodesch. Dëst wier och beim FNR a bei Science.lu opgefall: Doduerch, datt Journalisten Artikele géifen opgräifen an Demande fir Interviewe géife stellen, wier visibel, datt Wëssenschaftsjournalismus en Impakt huet.

An der Chamber wier opgrond vun der Covid-Situatioun e Wëssenschaftsdéngscht opgebaut ginn, an deem de Fonds National de la Recherche och mat fiederféierend wier. Gläichzäiteg wieren d'Stëmmen an der Chamber méi haart ginn, fir eng wëssenschaftlech Berodung ze hunn - esou hätt hir Aarbecht "schonn déi éischt Friichte gedroen".

An der Mediathéik:

Sot emol / / Jean Claude Majerus
Lauschteren

Méi zum Thema

Joseph Rodesch
Am Gespréich

Wann der Numm Jospeh Rodesch héiert, da sot der Iech: deen Numm hunn ech schonn héieren. Mee wann der dann "Mister Science" héiert, da seet bal jiddwereen: "Kloer, kennen ech!"

HéLéLa
Rentrée um radio 100,7

Samschdes offréiert de radio 100,7 eng Emissioun, déi sech speziell u Kanner bis 12 Joer riicht. Flott Musek, Experimenter an Erklärungen zur Aktualitéit stinn um Programm, erkläert de Jean Claude Majerus.

Net verpassen

  • Rapport d'activités 2021

    Banner.jpg

    De Rapport d'activités 2021 vum radio 100,7 ass verëffentlecht ginn. E gëtt en Abléck an d'Aktivitéite vun de verschiddene Servicer a Redaktiounen am leschte Joer.

Programm

Dossieren

  • Dossier: Relatiounen tëscht Portugal a Lëtzebuerg

    Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun ass den Ament zu Lissabon. An eisem Dossier fannt dir all eis Bäiträg an Artikelen iwwer d'Theema.

  • De Krich an der Ukrain

    De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen