Lëtzebuerg entdecken Camping Liefrange

Zanter e puer Wochen schonn ass de Claude Faber ënnerwee, fir d'Campingen hei am Land ze besichen. Do kéint ee bal mengen, hien hätt souwäit alles gesinn. Ma nee! Dës Kéier ass hie bal dem Piirmes-Männchen iwwer de Wee gelaf. Eis Summer-Serie Lëtzebuerg entdecken, haut vum Camping Léifreg.

Claude Faber / cbi

Stauséi

Kuerz virum Camping zu Léifreg hunn ech no enger méi enker Kéier staark mussen ofbremsen. Ass do ee Wëllt Schwäin iwwer d'Strooss gelaf? Oder war et ee vun de sëlleche Wiichtelcher, déi do um Piermes-Knapp viru laanger Zäit emol ee Schlass solle gehat hunn. Oder war et carrement de Piirmes-Männchen, deen - enger Lëtzebuerger Seechen no - do an enger klenger Kapell geschlof huet, oder nach ëmmer schléift!?

Eng al Seechen aus der Géigend

"Lipp, lapp, lipp, lapp, de Piirmes-Männchen läit um wäisse Knapp.", hunn d'Kanner laang Zäit an dëser Géigend gesongen. A wann een him begéint, esou heescht et weider, da pléckt hien engem dat ganzt Liewen auserneen. An net nëmmen d'Vergaangenheet, mee och nach déi ganz Zukunft.

Nodeems ech dës Seechen nogelies hat, war ech schlussendlech frou, um Léifreger Camping ukomm ze sinn, ouni dësem dach gelungene Piirmes-Männchen iwwer de Wee gelaf ze sinn.

E Camping um Stau

"De Stopp vum Séi" nennt sech de Camping zu Léifreg och nach ganz passend. Deen eenzege Camping iwwregens, deen direkt um Stau läit. Fir net ze soen, déi eenzeg Schlofgeleeënheet, ausser natierlech d'Jugendherberg zu Lëlz, vun där aus een a just e puer Schrëtt scho mat de Féiss am Stauséi steet.

Zanter dräi Joer gëtt dëse Camping elo vun deem selwechte Bedreiwer, wéi deem vum Camping an der Fuussekaul geréiert, an et mierkt een och direkt, datt hei vill Know-How vun do aus mat op Léifreg erafléisst.


Lauschtert de ganze Reportage vum Claude Faber

An der Mediathéik:

Lauschteren

Méi zum Thema

Camping Bissen
Lëtzebuerg entdecken

Déi eenzeg aachteckeg Kapell hei am Land, ganz am neogotesche Stil gebaut, steet net wäit vum Camping Bissen ewech. Si huet en historesch wichtegen Hannergrond, huet de Claude Faber erausfonnt.

Camping Ettelbruck
Lëtzebuerg entdecken

Zu Ettelbréck gëtt den Trend bestätegt, datt ëmmer méi Lëtzebuerger hire Wee nees op heemesch Campinge fannen. Et huet een eng wonnerbar Vue, mee et ginn och praktesch Grënn, firwat de Camping beléift ass.

Camping Troisvierges - Sentier des passeurs
Lëtzebuerg entdecken

Den Ëlwener Camping kann ee bal mat engem Vakanze-Ressort vergläichen. Net nëmmen datt een hei Stellplazen, nei Mobilhomer a grouss Glamping-Safarizelter loune kann, de ganze Camping läit och nach matten am Ëlwener Activity-Park.

Klierf Camping
Lëtzebuerg entdecken

De Klierfer Camping ass dem Wëlle vun engem fréieren Generaldirekter vun der ARBED ze verdanken. De Claude Faber war fir eis Summer-Serie "Lëtzebuerg entdecken" Klierf - fir sech selwer - och nei entdecken.

Net verpassen

  • 24.01. Opruff Media & Me

    Media and Me_2022_1200x667px.jpg

    De radio 100,7 mécht och dëst Joer mat beim Projet Media & Me an Dir kënnt Iech elo dofir umellen.

Programm

Dossieren

  • Buchkriticken

    D'Kulturredaktioun vum radio 100,7 presentéiert Rezensioune vu Lëtzebuerger an internationale Bicher.

  • Kulturjoer Esch2022

    Esch, zesumme mat anere ProSud-Gemengen a franséische Grenzgemengen, ass 2022 europäesch Kulturhaaptstad. An eisem Dossier fannt Dir alles iwwer d'Hannergrënn an d'Projeten, déi fir d'Kulturjoer entstoe wäerten.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen