Mäin Europa Brexit-Day

No 47 Joer hunn d'Britten d'EU verlooss. Mee de Brexit huet en déiwe Gruef geschaf, an déi brittesch Gesellschaft bleift gedeelt. Och fir déi vill EU-Auslänner, déi a Groussbritannie liewen, huet d'Stëmmung geännert. An déi, déi wëllen do bleiwen, mussen eng nei Openthaltsgeneemegung ufroen.

Pierre Reyland (London) / cbi

Bye bye EU - Mäin Europa
Vill Britten hu sech op de Brexit-Day gefreet. Mee d'Stëmmung am Land ass gespléckt

An engem Mier vun Union Jack Fändelen an nationalistescher Volleksfest-Stëmmung koum op der Brexit Party um Parliament Square zu London dee Moment, op deen d'Brexit Supportere sou laang gewaart haten: Groussbritannien huet d'EU verlooss.

Ënnerschiddlech Reaktiounen

Fir déi eng war et e Moment vun Euphorie a Befreiung. "Et ass wonnerbar", "Endlech", vill Leit hätte 40 Joer heirop gewaart, d'Britte misste sech vun der "Diktatur" zu Bréissel näischt méi soe loossen, esou verschidde Reaktiounen.

Fir déi aner bleift de Brexit eng batter Pëll, a si sinn traureg: "Et brécht eis d'Häerz", "Et ass eng Katastroph", "Ech verléiere ganz vill", esou aner Reaktiounen den 31. Januar.

D'Land ass an zwee gespléckt

"Get Brexit Done" - war dem Premier Boris Johnson seng Mantra. Elo ass et geschitt. An um Brexit-Day sot de Boris Johnson op der Televisioun, eng nei Ära hätt ugefaangen, dat enormt Potential vu Groussbritannie géif elo fräigesat ginn.

Mee einfach wäert dat net ginn: Éier d'Verhandlunge mat der EU fir en Handelsaccord ufänken, hu béid Säite schonn deck rout Linnen an de Buedem geritzt. An de Boris Johnson ass an engem riskante Balanceakt. Engersäits muss hie säi Versprieche vun der neier Onofhängegkeet vu Groussbritannien halen - an insistéiert dofir zum Beispill, keng EU Reegelen a Standarde wëllen ze respektéieren.

Mee déi ekonomesch Konsequenzen dovun - mat potentielle Grenzkontrollen an Taxen - kéinte wéidoen. D'Realitéit, nom Erwächen aus dem Brexit-"Rule Britannia"-Dram riskéiert manner attraktiv ze gi wéi dat, wat déi brittesch Regierung versprécht.

Eng Realitéit ass och: De Brexit huet Groussbritannien an zwee gedeelt.


De Pierre Reyland war fir den 31. Januar zu London an huet de Brexit materlieft. Lauschtert säi Reportage, an Zesummenaarbecht mat Euranet Plus, dem gréissten europäesche Radio-Reseau fir EU-Aktualitéit.

An der Mediathéik:

Mäin Europa / / Pierre Reyland
Lauschteren

Méi zum Thema

Des Brexiters sur la rue à Londres le 31 janvier
Brexit

Après trois ans et demi, le Brexit a bien eu lieu ce 31 janvier. D'un côté des Brexiters euphoriques et de l'autre un premier ministre qui veut unifier la nation. Un reportage à Londres avec Elodie Goulesque.

Danièle Weber
EU-Politesche Wocheréckbléck

Duerch de Brexit verléiert d'Europaparlament seng brittesch Memberen. D'Ëmverdeelung vun de Sëtz rëselt um Kräfteverhältnes ënner de politesche Gruppéierungen. D'Gewënner stinn éischter op der riets-konservativ Säit.

Traurege Remainer
Brexit

Haut, Freideg um Mëtternuecht eiser Zäit, verléisst Groussbritannien d'EU. Do virdrun haten déi pro-europäesch Remainers sech och nach emol zu Westminster versammelt - fir eng Zort Gedenkzeremonie.

John Marshall, Fiona Urquhart, Chris Garett
Réck- an Ausbléck

Haut trëtt Groussbritannien aus der EU aus. Mat Vertrieder vu Labour International, vun de Liberal Democrats a mam britteschen Ambassadeur zu Lëtzebuerg geet rieds iwwer d'Erausfuerderunge fir d'Zukunft.

Programm

  • Noriichten

  • On air

    Ligne 2

  • Notturno

  • Virum Dag

  • Moies-Magazin

Praktesch Infoen

  • Nei Serie: Wellbeing

    Wellbeing

    Bleift gesond a monter zesumme mam 100,7. An eiser neier Serie "Wellbeing" wëlle mir Iech an dësen Zäite mat wäertvollen Informatiounen a Rotschléi begleeden. 

Dossieren

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

  • Gratis ëffentlechen Transport

    Den ëffentlechen Transport zu Lëtzebuerg ass vum 29. Februar u gratis. Dat haten d'Majoritéitsparteien Enn 2018 esou decidéiert. An eisem Dossier fannt Dir all eis Artikelen zum Theema.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen