Autumn Sweater - Car Park Waarme Sound fir déi kal Joreszäit

Autumn Sweater sinn d'Musterschüler aus der Lëtzebuerger Indie Rock Schoul. Nodeems si sech bannen dräi Joer zur enger to-go Virgrupp op de Lëtzebuerger Bühnen no vir gespillt hunn, kënnt elo en éischte Longplayer "Car Park" mat 12 Titelen eraus. Natierlech ass alles DIY, live an oneditéiert.

Marc Clement / Mike Tock / cbi

Autumn sweater
Foto: Noah Fohl

Am Ufank hätte sech Iddien, déi ee mat an d'Prouf bruecht hätt, ëmmer an eng aner Richtung entwéckelt, wéi een dat wollt, seet de Gittarist a Sänger Philippe Demart. "Mëttlerweil kenne mir eis sou gutt, datt mir scho besser antizipéiere kënnen a besser wëssen, wat dorausser entsteet, ouni doriwwer ze schwätzen."

Hien hätt d'Gefill, datt d'Lidder am Ufank manner fokusséiert waren, seet de Bassist Yves Weber. Déi nei Stécker géifen éischter a Richtung modernen Indie oder Garage Pop goen.

Do it yourself

D'Opname si beim Philippe Demart doheem entstanen, an hien huet se och ofgemëscht. "Ech hu sou vill Zäit mat deenen Opname verbruecht, datt ech net méi déi richteg Distanz hunn, fir emotional domadder verbonnen ze sinn."

Den Do It Yourself-Gedanke wier dat, wat si géif verbannen, seet den Yves Weber. Hir Perceptioun vun "indie" géif staark domat zesummenhänken. Dee gréissten Deel vum Album wier och live zesummen agespillt ginn, seet de Gittarist Pierre Demart. Wann d'Energie vun engem Take gutt war, wier och e klenge Feeler ok, laacht de Philippe. "Editéieren hu mir kategoresch refuséiert, well et kee Spaass mécht, well et net zur Musek passt ..."

Hiren Aflëss - Yo La Tengo, Pavement an dem 80er Post-Punk - bleiwen si och op "Car Park" trei, genee wéi deene liicht schelmeschen Texter an hirem ganz eegene Sënn fir buedemstänneg Melodien. Autumn Sweater stellen hir nei Plack dëse Samschdeg, 26. Oktober an de Rotonde vir. Zäit, den Hierschtpullover erauszehuelen.

An der Mediathéik:

Backstage / / Mike Tock
Lauschteren

Méi zum Thema

Napoleon Gold
Sunset Model

De Produzent Antoine Honorez presentéiert säin éischte Longplayer. Et ass eng Kollaboratioun mat ville Gäscht. Fir d'Texturen an d'Sounds huet hie mat sengem Produzent Pierre-Hadrien Trigano zesummegeschafft.

Seed to Tree
Wichtege Showcase Festival

Fir d'Lëtzebuerger Indie-Band kann dësen Optrëtt e Sprangbriet sinn. De radio 100,7 huet de Quartett invitéiert. Als Member vun der EBU kann den ëffentlech-rechtleche Radio zu Lëtzebuerg ee Concert bestëmmen.

Programm

  • Moies-Magazin

  • On air

    Iwwer Mëtteg

  • Resonanzen

  • Spektrum

  • Ënnerwee

Net verpassen

Dossieren

  • Affär Traversini/Dieschbourg

    De Roberto Traversini ass als Buergermeeschter an Deputéierten zeréckgetrueden. Hannergrond sinn Autorisatioune fir d'Aarbechten un engem Gaardenhaischen an d'Fro, ob hie bevirdeelegt ginn ass.

  • CinÉast 2019

    Et ass déi zwieleften Editioun vum CinÉast Filmfestival. Vum 3. bis den 20. Oktober ginn iwwer 65 Featuren a 50 Kuerzfilmer aus 20 Länner aus Mëttel- an Osteuropa gewisen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen