United Instruments of Lucilin Tokyo, Yokohama a Kyoto

Am Februar 2019 huet den Ensembel fir zäitgenëssesch Musek United Instruments of Lucilin d'Uropféierung vun der Kammeroper "En Silence" am Groussen Theater gespillt. Den Ament ass den Ensembel mat dëser Oper vum Oscar-Gewënner Alexandre Desplat an der Geiistin Solrey op Tournée duerch Japan.

Luc Boentges

Lucilin Japan
Foto: Lucilin

Iwwer eng japanesch Agentin, mat där den United Instruments of Lucilin well e puer mol zesummegeschafft huet, gouf den Ensembel no der Uropféierung vun der Kammeroper "En Silence" fir dräi Concerten a Japan invitéiert. D'Oper steet zu Kyoto an zu Yokohama op der Affiche, an zu Tokyo spillt den Ensembel e Concert an der Lëtzebuergescher Ambassade.

Eng intensiv Zäit

Déi éischt Opféierung vun der Kammeroper am Kader vun dëser Japan-Tournée war e Samschdeg, den 18. Januar. D'Zäit virdru wier intensiv gewiescht, seet de Guy Frisch, Perkussionist an Direkter vu Lucilin.

Nodeems den Ensembel moies um néng Auer zu Osaka gelant ass, ass et annerhallef Stonn mam Bus weider op Kyoto gaangen. No engem kuerzen Openthalt am Hotel war et dunn un der Zäit fir déi éischt Prouf, déi bis aacht Auer owes gedauert huet. Zäit fir en Jet lag ze verschaffe bleift do keng, wéi de Guy Frisch erkläert:

"Dat war schonn zimmlech haart, well mir am Fong aus dem Fliger quasi an den Hotel an direkt an de Concertssall hu misste goen. An den Dag drop war genee esou intensiv. Nach méi eigentlech, well eben déi ganz Dekoren hu missten ajustéiert ginn."

De Publikum begeeschtert

Déi ganz Méi schéngt sech awer gelount ze hunn. De Publikum am Rohm Theater zu Kyoto wier ganz dankbar an interesséiert gewiescht, seet de Guy Frisch. Et wier e seriöt Stéck, an deementspriechend hätt de Publikum reagéiert.

"Wat mir elo zu Kyoto gemierkt hunn, ass datt d'Leit op alle Fall begeeschtert waren. [...] Si hu ganz intensiv geklappt. Et ware quasi eng 1.000 Leit do, dat heescht de Sall war ganz gutt gefëllt. Ech géif soen zu 90, 95 Prozent."

"Et wiisst een zesummen"

Esou eng Tournée géif engem hëllefe virunzekommen, well ee vill Zäit hätt fir ze prouwen. Gläichzäiteg géif een als Ensembel zesummewuessen.

"Et gëtt natierlech och vill diskutéiert, och iwwer déi nächst Projeten. Dat heescht, et sëtzt een zesummen am Bus, et sëtzt een herno zesummen am Restaurant, et huet een d'Pausen zesummen, an et gëtt vill geschwat. An natierlech, vum musikaleschen hier wiisst ee ganz kloer nach méi zesummen. Ech mengen et ass een erëm eng Kéier e Stéck méi räif no esou enger Tournée."

An der Mediathéik:

Klassik aktuell / / Luc Boentges
Lauschteren

Méi zum Thema

Baiba Skride
Baiba Skride

D'Baiba Skride war an der Philharmonie fir den zweete Geieconcerto vum Sergei Prokofjew zesumme mam OPL ze interpretéieren. Am Interview schwätzt si iwwer d'Wierk, hir Concertsreesen an den Orchester.

Ivan Boumans
International Classical Music Awards

Op Virschlag vum radio 100,7 a vu pizzicato.lu kritt den Ivan Boumans de Composer Award 2020. De Präis fir d'Liewenswierk geet dëst Joer un d'Pianistin Elisabeth Leonskaja.

Programm

  • Noriichten

  • On air

    Ligne 2

  • Notturno

  • Virum Dag

  • Moies-Magazin

Praktesch Infoen

  • Nei Serie: Wellbeing

    Wellbeing

    Bleift gesond a monter zesumme mam 100,7. An eiser neier Serie "Wellbeing" wëlle mir Iech an dësen Zäite mat wäertvollen Informatiounen a Rotschléi begleeden. 

Dossieren

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

  • Gratis ëffentlechen Transport

    Den ëffentlechen Transport zu Lëtzebuerg ass vum 29. Februar u gratis. Dat haten d'Majoritéitsparteien Enn 2018 esou decidéiert. An eisem Dossier fannt Dir all eis Artikelen zum Theema.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen