Sample vun der Woch The Spinners - It's a Shame

Dat do kennen ech dach, oder? Wien huet déi Melodie geklaut, wien huet dee Rhythmus nogespillt? De Bobby Bieles ass Sample-Detektiv an erzielt d'Geschichte vu Lidder, deenen hir Bestanddeeler ëmmer nees an neier Form re-inkarnéiert goufen.

Bobby Bieles

e35.jpg

"It's A Shame" vun de Spinners koum 1970 eraus a war op hirem zweeten Album "Second Time Around". Dat hei war ee vun den éischte Lidder, déi de Stevie Wonder net fir sech selwer geschriwwen huet, mee fir eng aner Grupp. D'Instrumentatioun staamt vun him, den Text huet hien zesumme mat der Grupp geschriwwen. Et war ee vun de gréissten Hits an de 70er um Label Motown.

Den Intro vum Lidd besteet aus engem onverkennbare Guitarhook. D'Lidd gouf zu engem Soul-Klassiker. D'Performance vun de Spinners schéngt hei ganz ouni Ustrengung, obwuel d'Lidd aus komplizéierten Harmonië besteet. Si sangen hei en eleganten a liichte Refrain. Si hu souguer no dësem Lidd e bëssen hir Musekrichtung geännert, ewech vum R'n'B. Si haten hiren Duerchbroch herno mat ville Soul-Pop-Crossoveren, esou wei dësen hei.

D'Lidd gouf ëmmer erëm wärend verschidden Hip-Hop-Periode gesampelt, wei zum Beispill d'Monie Love vun 1990. Si mécht "It's A Shame (My Sister)" dorausser. D'Monie Love ass eng UK-Rapperin, déi hei hiren éischten Album erausbréngt. D'Lidd ass featuring Ultra Naté um Refrain. Dëst Lidd hat e gewësse Succès um europäesche Marché.

En anert Beispill fir d'Benotze vum Sample ass vun Nekfeu & Alpha Wann zesummen um Lidd "Ne le dis pas à ma mère". Dëst Lidd koum 2011 eraus, do waren si jo quasi nach kleng Kanner op hirer kollaborativer EP "En Sousmarin". Dat Ganzt ass produzéiert vun BasementBeatz. Déi zwee Rapper si Membere vun de Gruppen Entourage an 1995.

Mee mäi Liblingslidd bleift hei warscheinlech d'Re-Interpretatioun vum Gittarist Isaiah Sharkey. Hie mécht "It's A Shame Featuring Jazzy Jeff" doraus. Et war op sengem Album "Love Live Live" vun 2017. Hien ass e Gittarist aus Chicago a bekannt dofir den D'Angelo op senger leschter Tour begleet ze hunn. Wann et ëm seng eegen Albume geet, da séngt hien awer och. Säin Lidd ass hei gewierzt vun de Scratche vum Jazzy Jeff.

An der Mediathéik:

De Sample vun der Woch / / Bobby Bieles
Lauschteren

Méi zum Thema

e34.jpg
Sample vun der Woch

D'Lidd koum 1983 eraus. D'Grupp an d'Lidd sinn e Produkt vum Rick James senger Fantasie. D'Mary Jane Girls waren nämlech dem Rick James seng Background Sängerinnen.

e31.jpg
Sample vun der Woch

"Mystic Brew" war um Album "Two Headed Freap" (1972) vun engem vun de gréissten Organiste vun der Soul-Jazz Beweegung Enn 60er bis Ufank 70er Joren. De Bobby Bieles huet sech op d'Sich gemaach, wien dat gesampelt huet.

e29.jpg
Sample vun der Woch

Mam Album "El Condor Pasa" vun 1971 daucht de franséische Komponist Paul Mariat a säin Orchester mat engem soulfulen Twist an d'70er Krimiserien an. D'Lidd "Melancholy Man" huet et de Beatmaker dobäi besonnesch ugedoen.

 

Net verpassen

Programm

  • Notturno

  • On air

    Virum Dag vu 6 bis 10

  • Panorama

  • Virum Dag vu 6 bis 10

  • Noriichten

Dossieren

  • Klimakonferenz zu Glasgow

    Déi gréissten Weltklimakonferenz zanter Paräis fënnt tëscht dem 31. Oktober an 12. November zu Glasgow statt. Fir eis op der Plaz ass eise Korrespondent Philip Crowther.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen