Grousse Showcase-Festival Suivéiert de Concert vun TUYS beim Eurosonic
Den Eurosonic ass dee wichtegsten europäesche Showcase-Festival. E geet online a gratis iwwer d'Bün. Lëtzebuerg gëtt vun Tuys vertrueden. Kuckt den Optrëtt vun der Indie Pop Band live am Stream.
Och den Eurosonic ass der Pandemie zum Affer gefall. Beim grousse Showcase-Event am hollännesche Groningen gëtt sech all Joer am Januar d'europäesch Museksbranche Rendezvous fir nei Talenter ze entdecken. Dëst Joer ass d'Manifestatioun online.
De Concert vun Tuys gëtt haut um 20.25 iwwer de Site vum Festival um Kanal 2 diffuséiert: esns.nl
D'Streaming Plattform wier an Zesummenaarbecht mat der EBU opgebaut ginn, seet den Oskar Strain, ee vun de Booker vum Festival. D'EBU, vun där de radio 100,7 och Member ass, ass zanter 25 Joer e wichtege Partner vum Eurosonic.
"E wichtege Message fir Europa"
Tuys sinn eng vun den 180 Gruppen, déi dëst Joer optrieden. Am 15-Minutten-Takt ginn zanter e Mëttwoch all Owend Live-Sessions diffuséiert.
Déi aktuell Situatioun wier net ideal fir d'Industrie, trotzdeem ass den Oskar Strajn optimistesch:
"Ee vun de wichtege Message vum Eurosonic ass, datt mer de Fokus op Europa setzen. Déi kommend Méint wäerten international Toure weiderhi komplizéiert bleiwen. Mir mussen op eis Nopeschlänner kucken. Mir hunn eng wonnerschéi Musekslandschaft ronderëm eis. Ech hoffen, datt Europa als Kontinent dat hei séier nees un d'Rulle kritt."
Méi zum Thema
Tuys vertrëtt Lëtzebuerg beim Eurosonic
Tuys vertrëtt Lëtzebuerg nächste Weekend um Eurosonic Festival. Um Showcase Event zu Groningen decidéiert sech, wéi eng nei Talenter een am Summer op den europäesche Festivalle ka gesinn.
Lauschtert d'Aircheck Session vu Great Mountain Fire
Och ouni Applaus stëmmt d'Energie. Déi véier jonk Museker sinn dankbar, fir endlech nees kënnen ze spillen. Hir Freed héiert een an all Nout. Lauschtert d'Session vu Great Mountain Fire.
Lauschtert d'Aircheck Sessions vun Tuys
Fir trotz der Pandemie Concerte kënnen ze genéissen, huet de radio 100,7 zesumme mat der Kufa d'Aircheck Sessions an d'Liewe geruff. Den éischte Concert kënnt vun Tuys. Lauschtert hiren Optrëtt hei nach eng Kéier.
Eurosonic 2020: E Bléck hanner d'Kulisse vum Museksbusiness
Den Eurosonic Festival ass wéi eng grouss Foire fir nei alternativ Musek. Iwwer 340 verschidden Artisten a Bands trieden a véier Deeg op, an iwwer 4.000 Professioneller aus der Branche komme kucke fir déi Talenter ze entdecken.
