Festivalsummer Siren's Call ëm ee Joer verréckelt
De Festival Siren's Call ass wéinst der Pandemie fir dëst Joer ofgesot an ëm ee Joer verréckelt. Dat hunn d'Organisateure vum Concertshaus Atelier de Moie matgedeelt.
De Gerant vum Atelier, Michel Welter seet, et hätt ee guer net dru geplangt, fir een alternativen Zenario op d'Been ze stellen.
Et wier neemlech kloer, datt dëse Summer Concerten am Format wéi se beim Siren's Call üblech sinn, net kéinte realiséiert ginn. De Siren's Call war och d'lescht Joer net. Evenementer annuléieren oder verleeë wier mëttlerweil "Business as usual" ginn, sou nach de Michel Welter.
Fir den Atelier als privaten Organisateur wieren déi maximal 100 Leit pro Evenement eng "Brems", reng budgetär gesinn. Doriwwer eraus wier et den Ament schwéier iwwerhaapt Artisten ze fannen, déi op Tour sinn.
An der Mediathéik:
LauschterenMéi zum Thema
Eischt Concerten an der Rockhal zanter Pandemie-Ufank
Eng Serie Concerten an der Rockhal, vun haut bis e Samschdeg, soll als Observatiounsgeleeënheet fir d'Behuele vum Covid-19 am Kontext vu Live-Evenementer déngen.
Ass d'Musek nach ëmmer ee Männergeschäft?
Musek faszinéiert Jongen a Meedercher am selwechte Mooss. An der Museksausbildung si béid Geschlechter gläich vertrueden. Et wielen awer vill méi Männer e Beruff an der Musek wéi Fraen.
