Wichtege Showcase Festival Seed to Tree spillen um Eurosonic

Fir d'Lëtzebuerger Indie-Band kann dësen Optrëtt e Sprangbriet bedeiten. De radio 100,7 huet de Quartett invitéiert. Als Member vun der European Broadcast Union kann den ëffentlech-rechtleche Radio zu Lëtzebuerg all Joer ee Concert vun der Programmatioun bestëmmen.

Seed to Tree

Um Eurosonic decidéiert sech all Joer am Januar an der klenger hollännescher Stad Groningen, wéi eng nei Talenter am Summer op de Festivalle wäerten optrieden. Iwwer 4.000 Professioneller aus der Museksbranche gi sech Rendezvous, an et stinn iwwer 340 Concerten op der Affiche.

De Choix ass grouss, an als Kënschtler muss eng grouss Viraarbecht geleescht ginn, fir potenziell Bookeren op de Gig ze kréien. Dat wëssen och Seed To Tree, déi schonn eng Rëtsch dëser Festivalle gespillt hunn.

Choix eng Evidenz

De Choix, datt Seed To Tree de 17. Januar zu Groningen wäerten optrieden, war fir d'Museksredaktioun vum radio 100,7 eng Evidenz. Si suivéieren d'musikalesch Aktualitéit zu Lëtzebuerg am Detail. A Seed to Tree hu virun allem sou vill Präsenz am Ausland gehat, datt déi meescht Festival-Leit hiren Numm op d'mannst scho mol gesinn hunn. Dat hëlleft, wann een dës Professioneller wëllt ulackelen.

Um neien Album "Proportions" hätte Seed to Tree gewisen, datt si eng erwuesse Pop Band sinn, seet den Yves Stephany aus der Museksredaktioun. Si géife sech net just un de Klischeeë vum Indie Folk orientéieren, mee géife Géigesätz beienee bréngen, si hätten e Gespier fir Stëmmungen a Kappkino, a si kéinte groussaarteg Lidder schreiwen.

Wéi geet et weider?

Et ass net wahrscheinlech, datt d'Carrière vu Seed To Tree nom Eurosonic sou duerch de Plafong goen, wéi déi vun Artiste wéi James Blake, Dua Lipa oder Jungle. Trotzdeem kéint de Festival e Sprangbriet fir d'Lëtzebuerger Band sinn.

Momentan cibléiere si haaptsächlech den däitsche Marché. Um Eurosonic kéinte si och aner Länner erschléissen. Virun allem géife si awer hoffen, datt interessant Festivalle kommen, an datt si och d'nächst Joer nees op schéine Plaze kéinten optrieden. Spéitstens duerno misste si awer nees an de Proufsall an an de Studio, fir um nächsten Album ze schaffen.


De Marc Clement am Gespréich mat Seed To Tree

Lauschteren

An der Mediathéik:

Kultur / / Yves Stephany
Lauschteren

Méi zum Thema

Seed To Tree
Seed To Tree - Proportions

Seed To Tree sinn eng vun de wéinege Bands déi capabel sinn, engem den Otem ze huelen. Op hirem neien Album loosse si sech Zäit, si loossen hir Stécker ootmen an hetzen net vu Refrain zu Refrain.

Bartleby Delicate
Frontman vu Seed to Tree

Bartleby Delicate ass dem Georges Goerens säin Alter Ego. Hien ass e Singer-Songwriter deen intim Folk Musek kreéiert. A sengem neie Projet hunn Imperfektioun, Herman Melville a Fräiheet d'Soen.

Programm

  • Vu 6 bis 10

  • On air

    Vun 10 bis 2

  • Resonanzen

  • Vun 3 bis 6

  • Tockcity

Net verpassen

  • Nei Museksemissiounen

    Bigstock / real_content

    Al Schanken: Freides, 21:00

    Mat Groove a Séil: Samschdes, 19:00

    Palatino FM: Samschdes, 21:00

Dossieren

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

  • #beethoven20

    De Jean Muller gëtt an 32 Episoden en déiwen Abléck an de Kosmos vum Ludwig van Beethoven senge Pianossonaten.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen