Skull Snaps - It's a New Day Sample vun der Woch: E wichtege Bestanddeel vun der Hip-Hop-Geschicht

"Skull Snaps" ass deen éischten an eenzegen Album vum enigmatesche Funk Trio, Skull Snaps. Den Album gouf 1973 beim ale GSF Records Label verëffentlecht. "Skull Snaps" gouf eng legendären a recherchéiert Funk Plack an iwwer 550 Mol an all Museksrichtung gesampelt. Den Artwork vun der Plack ass eng skurril Kompositioun, déi méi bei eng Rockband géif passen.

e47.jpg

D'Museker wollte keng Fotoe vun hinnen um Cover, dofir gesäit ee just dräi grouss Käpp, begleet vun dräi méi klenge Skeletter an eng Schrëft, déi mat Schanke geschriwwen ass. Dësen Design beweist och d'Ignoranz vum Label eng Plack uerdentlech ze vermaarten. D'Grupp kritt null Opmierksamkeet vun de Medien an de Label geet no knapp sechs Méint och ënner. D'Band hat doduerch keng Chance eleng weiderzemaachen. Si hu sech schlussendlech am selwechte Joer vun der Verëffentlechung vum Album opgeléist.

Den Album enthält eng Vilfalt vu verschiddene Stiler vu Funk a Soul, dorënner dreckeg Funk Riffs, upbeat Soul Lidder a soulful Balladen. D'Band weist och meeschterhaft beherrschten Harmonien, all Member ass Gesangs-technesch "in tune and on time". Den Album a sech ass sécher net dee beschten - et ass just eng uerdentlech Funk-Plack aus de fréie 70er vun e puer talentéierte Museker. Original Placke vun 73 gi mëttlerweil fir dräistelleg Präisser op Discogs verkaf. Et ginn zwee Grënn dofir: éischtens et ass eng seele Plack, an zweetens, den Drumbreak aus dem Album gouf esou dacks gesampelt, datt warscheinlech schonn de Sample vum Sample gesampelt gouf. D'Lidd "It's a New Day" fänkt effektiv mat engem knuspregen a recherchéierten Drumbreak un. Den Album ass e wichtege Bestanddeel aus der Hip-Hop-Geschicht a vun der Musek allgemeng.

Eng ganz Generatioun vu Beatmaker hu sech dorun inspiréiert, wéi zum Beispill "Funky Child" vu Lords of the Underground. Mee Eric B. & Rakim, Digable Planets, DJ Shadow, Ol' Dirty Bastard, Das EFX a vill anerer ware wéinstens geneesou wichteg.

Do wou et elo méi interessant gëtt, ass wa Gruppe baussent dem Hip-Hop probéiere "Skull Snaps" ze sampelen. Zum Beispill The Prodigy mat "Poison". Dat kënnt vun hirem zweeten Album "Music for the Jilted Generation" vun 1994.

Och de Rob Dougan vu Mowax huet "It's a New Day" gesampelt fir säi "Clubbed to Death" doraus ze maachen. Dat Lidd gouf bekannt, well et am Soundtrack vum Film "Matrix" war.

An der Mediathéik:

De Sample vun der Woch / / Philippe Hansen Bobby Bieles
Lauschteren

Méi zum Thema

e46.jpg
Al Green - Let's Stay Together

Den Al Green huet seng Gesangskarriär am Alter vun néng Joer ugefaangen als Member vun der Gospelgrupp vu sengem Papp, de Green Brothers.

Taana Gardner
Sample vun der Woch

1981 bréngt d'Taana Gardner eng vun deenen beschten Pop-Singles vun en 80er Joren eraus, an zwar "Heartbeat".

Net verpassen

Programm

Dossieren

  • Hëtzt & Dréchent

    2022 ass bis elo vun héijen Temperaturen an extreemer Dréchent markéiert. Wéi eng Impakter huet dat op Mënsch an Ëmwelt?

  • Saint-Malo: "Étonnnants Voyageurs"

    Saint-Malo ass déi Plaz, wou déi sougenannt ''littérature-monde'' gefeiert gëtt. Den 100,7 war bei der leschter Editioun vum Festival Étonnants Voyageurs am Juni dobäi.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen