Musikalesch Visittekaart Roger Hamen, mat "Drummer-Oueren"

D'Little Blues Band ass déi musikalesch Statioun Nummer 16 fir de passionéierten Drummer vum Briddel, de Roger Hamen. Schonn an de 1960er war hie mat der Band "The Friends" hannert der Schéissbud aktiv. An dat mat grad emol 13 Joer.

Als aktive Museker, an ënnert anerem éischten Direkter vun der Rockhal a Responsabele vum Centre de ressources huet de Roger Hamen - no enger Carrière op der Bank Of America - vill an enke Kontakt mat der Lëtzebuerger an der internationaler Musekszeen. Dëst Kapital kënnt him als musikalesche Beroder fir zum Beispill de Luxembourg City Tourist Office oder der Fête de la Musique zegutt.

E bëssen Nostalgie

"Ech hu meng Lëscht mat Lidder, déi ech matbruecht hunn, natierlech mat Drummer-Oueren zesummegestallt", resüméiert de Roger Hamen seng Auswiel vun Musekstitelen. Mee et wier och eng Partie Nostalgie derbäi gewiescht … dofir ass seng musikalesch Visittekaart och gefëllt mat Réckblécker op d'1960er an 1970er Joren.

Och weess de Roger Hamen esou muench Geschicht z'erzielen, déi bei säi musikalesche Choix passt: Hien erënnert sech zum Beispill, wéi hie mat 20 Joer an der Villa Louvigny d'Grateful Dead live erlieft huet, mat der Countrygréisst Lyle Lovett bei Haasse Luss zu Esch am Bistro gefachsimpelt huet oder de Concert vun den Eagles zu L.A. bei der amerikanescher 200-Joer-Feier 1976 suivéiert huet.

D'Playlëscht vum Roger Hamen

• The Rolling Stones - The Last Time
• Lyle Lovett - I've Been To Memphis

• The Beatles - I Am The Walrus
• Led Zeppelin - Good Times Bad Times
• John Mayall - Walking On Sunset
• Grateful Dead - Truckin'

• James Taylor - Country Road
• The Eagles - Take It Easy

• Calexico - History Of Lovers (just an der Rediffusioun um 18.30 Auer