Nei Single vun TUYS: "Yellow Ether" Release Concert an der Kulturfabrik

Déi Lëtzebuergesch Indie-Rock Band TUYS spillt dëse Freiden de Owend an der Kulturfabrik ee Release Concert mat ville Gäscht. Ophänkert dovunner ass d'Sortie vun hirer neier Single "Yellow Ether". Mir hu mam Sänger/Gittariste, dem Tun Biever, an dem Bassist Yann Gengler, iwwer de Song, de Concert, an dee fir Abrëll annoncéierten Album geschwat.

Marc Clement / sam

TUYS Yellow Ether Tour
Copyright: Rares Matei

D'Band TUYS ass vill ënnerwee: hir "Yellow Ether" Tour huet si leschtens op ee vu KulturLX arrangéierte Showcase um Icelandic Airwaves zu Reykjavik gefouert.

"Et war ee ganz ontypesche Showcase, an et huet ee gemierkt, datt d'Leit do einfach nëmme Bock op live Musek haten", esou den Tun Biever. Hie bezitt sech hei op d'Pandemie-Duuschtstreck, déi nach ëmmer net ganz iwwerwonnen ass - de Virverkaf fir Concerte bleift lues.

Méi ewéi just Musek

Wien d'Geschicht vun TUYS e bësse verfollegt huet, weess, datt den neie Song en Element vun enger vill méi grousser Geschicht ass, déi TUYS ze erzielen hunn, an déi mëttlerweil all Aspekter vun der Musek ëmspaant.

Am Zentrum dovu steet eng Plack, déi am Abrëll d'nächst Joer wäert erauskommen. Dat erschéngt nach laang, mee d'Plack ass grondsätzlech an der Këscht a war ee laang geplangte Projet.

Fir un neiem Material ze schaffen, ass d'Band zesummen op Berlin geplënnert, an huet sech zanterdeem a villen Hisiichten nei erfonnt. Si hu sech och ëmmer erëm mat Singles a Videoen de Public bei der Staang gehalen, genee wéi mat hirer EP "A Curtain Call for Dreamers".

"Mir wollten eis Zäit huelen, zesummen an engem Appartement wunnen", esou TUYS, déi vun hirer Zäit profitéiert hunn, fir net nëmme vill Musek mee och Filmmaterial ze produzéieren, dat deem kommende Konzeptalbum wäert zegutt kommen.

Eng intelligent Reflektioun op d'Zäiten

Singles wéi "More Than An Account" oder "Muddy Beach" beschäftege sech mat de Verzerrungen, déi duerch d'"Attentiouns-Ekonomie" optriede kënnen, dat an Toun a Bild. Déi kommend Plack an déi nei Lidder féieren dës Iwwerleeunge weider:

"Mir hunn an deene leschten zwee Joer gemierkt, datt subjektiv Point-de-vuë staark kënne matenee clashen, an d'Gesellschaft polariséieren. D'Verluersinn tëschent extreme Positioune wollte mir - ouni ze kritiséieren - ofbilden."

Genee wéi bei hire Singles, spillt och an Zukunft de Medium vum Video eng wichteg Roll.De Museksbusiness ass séier, an eng Geschicht, déi hir Verëffentlechungen zesummenhält, stäerkt der Band hir Relatioun mam Public.

De Yann Gengler huet d'Preproduktioun an d'Mise-en-scène vun dëse Videoen iwwerholl, an zesummen hunn déi véier Bandmemberen elo och ee ganze Kuerzfilm gemaach, dee sech Single fir Single soll vervollstännegen.

Den neie Song "Yellow Ether" huet eng bestëmmte Plaz an dësem Film a representéiert eng Aart "Realitéit", déi zum Kaf ugebuede gëtt. iwwerzeegt Iech selwer.

An der Mediathéik:

Kultur / / Marc Clement
Lauschteren

Méi zum Thema

TUYS
Musek

Tuys vertrëtt Lëtzebuerg nächste Weekend um Eurosonic Festival. Um Showcase Event zu Groningen decidéiert sech, wéi eng nei Talenter een am Summer op den europäesche Festivalle ka gesinn.

AIRCHECK Tuys
live Musek um 100,7

Fir kënne weider live Musek ze genéissen, lancéieren d'Kulturfabrik an de radio 100,7 d'Aircheck Sessions. Tuys maachen dëse Samschdeg um 17:00 den Optakt. De Concert ass eis Contributioun zum Eurosonic.

Net verpassen

Dossieren

  • Chamberwalen 2023

    Am November gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

  • Hëtzt & Dréchent

    2022 ass bis elo vun héijen Temperaturen an extreemer Dréchent markéiert. Wéi eng Impakter huet dat op Mënsch an Ëmwelt?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen