Francis of Delirium "Quit Fucking Around"

E Grunge-Lidd als Rappell sech um Rimm ze rappen. Op der éischter offizieller Single vu Francis of Delirium geet déi 18 Joer jonk Musekerin op d'Sich no gesond Gedanken a Bedeitung am Liewen.

Mike Tock (Interview) / Jamie Reinert (Web) / cbi

Francis of Delirium
Francis of Delirium

Am Juli 2019 huet d'Jana Bahrich de Screaming Fields Festival gewonnen. E puer Méint virdrun ass de Projet "Francis of Delirium" eréicht entstanen. Mëttlerweil si si zu dräi mam Chris Hewett op der Batterie an dem Jeff Hennico um Bass. 90er Grunge, Indie a Folk stinn op hirem Menü. An dat resüméiert zimmlech gutt d'Richtung vun hirem éischten offizielle Song.

D'F-Wuert géif op "Quit Fucking Around" esou dacks benotzt ginn, well d'Stéck aus der Roserei eraus entstane wier. "D'Lidd geet fir mech dorëms aus engem negative Gedankeprozess ewech ze kommen, wou een alles, wat ronderëm sech passéiert schrecklech fënnt." Den aktuelle politeschen an ëmweltleche Zoustand an der Welt ass och net grad motivéierend.

Den Dram wier et vun der Musek kënnen ze liewen. "All meng Zäit geet aktuell an dëse Projet". Op hirem Handy wiere ronn 1.700 Voice Memos ze fannen. Réi Skizzen, déi nach ausgeschafft musse ginn. "Ech probéieren all Dag ze schreiwen." Mëttlerweil wiere schonn eng 13 Stécker prett. Am Abrëll kënnt dann och eng éischt EP eraus, an eng Release Show ass dee Moment an der Rockhal geplangt.


De ganzen Interview mat Francis of Delirium lauschteren

Méi zum Thema

Eurosonic Festival 2020
Musek

Den Eurosonic Festival ass wéi eng grouss Foire fir nei alternativ Musek. Iwwer 340 verschidden Artisten a Bands trieden a véier Deeg op, an iwwer 4.000 Professioneller aus der Branche komme kucke fir déi Talenter ze entdecken.

Screaming-Fields
Musikaleschen Nowuess

E Samschdeg den 13. Juli trieden Newcomer aus der Lëtzebuerger Pop- a Rockzeen an der Rockhal op. Wie verstoppt sech hanner den aacht Nimm? Mir stelle se vir.

Net verpassen

  • 16.10. Riicht eraus - Bleift d'Kierch am Duerf?

    Riicht Eraus_Beift Kierch am Duerf 2.jpg

    Wéi kënnen an däerfen entweite Kierchen nach gebraucht ginn? Et diskutéieren d'Architektin Sala Makumbundu, de Kierchenexpert A. Langini, de G. Kieffer vum Bistum, an den R. Mangen, Schäffen Déifferdeng.

Dossieren

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

  • Olympesch Spiller 2021

    D'Olympesch Spiller fannen, mat engem Joer Verspéidung, tëscht dem 23. Juni bis den 8. August zu Tokyo statt. Fir eis op der Plaz ass eise Korrespondent Philip Crowther.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen