Nei Single vun The Ferocious Few Pass op, ech si Museker!

De Francisco Rodriguez ass zanter gutt fënnef Joer zu Lëtzebuerg als Live-Museker ënnerwee an huet grad en EP mat sengem Coequipier Yves Ditsch fäerdeg gestallt. Déi éischt Single koum de Freiden eraus.

Marc Clement / rb

Francisco Fernandez
De Francisco Fernandez vun The Ferocious Few

Lauschteren


Dem Francisco Fernandez seng Musekskarriär huet op de Stroossenecker vu San Francisco ugefaangen. Mat sengem beschte Kolleeg Daniel Aguilar huet hien do an der Powell Street, am Touristequartier, seng Spore gemaach, ass virun der Police fortgelaf a war zur richteger Zäit op der richteger Plaz fir Engagementer op Festivallen ze kréien - Coachella, South by Southwest, an anerer.

Zesummen hunn si fir de Billy Idol, Lynyrd Skynyrd an den Joe Cocker Première partie gespillt. Viru véier Joer ass de Francisco op Lëtzebuerg geplënnert an huet misste ganz vu fir ufänken. Mam Yves Ditsch huet hien elo säi "perfekte Batteur" fonnt.

An de Lockdowns ass "Living Hell" entstanen

Zu Lëtzebuerg koum och fir d'éischt eng Live-Plack eraus, déi den Esprit vun der Band gutt eriwwer bréngt, mee fir Radio-Airplay ongënschteg war. Dofir koum d'Iddi, an de Unison Studios Opnamen ze maachen. Esou ass och "Living Hell", niewent aneren neie Lidder, an de laange Stonne vun de Covid-19-Lockdowns entstanen.

Museker sinn, ass duerch d'Hell ze goen - mee et ass derwäert, seet den neie Song vun de Ferocious Few. De Song ass un een imaginäre Partner geriicht, deen d'Aléase vun der Kënschtlerexistenz indirekt muss matdroen. Déi knackeg an accessibel Punk-Nummer ass deen éischte Song vun enger Handvoll, déi Mëtt Juni a Form vun engem EP wäerten eraus kommen.

"Mir spillen op der Fête de la musique an der Stad, a kuerz duerno um Cider Fest am Black Stuff, do wier eng gutt Geleeënheet, de Leit eis nei Plack ze presentéieren", esou de Sänger a Gittarist. Affaire à suivre!

An der Mediathéik:

Musek Aktuell / / Marc Clement
Lauschteren

Méi zum Thema

Sharon Van Etten - We've Been Going About This All Wrong
Musek

Och wann den Titel vun hirer neier Plack eppes Aneres suggeréiert, sou huet d'Sharon Van Etten och mat hirem sechsten Album "We've Been Going About This All Wrong" nees op ganzer Linn ofgeliwwert.

Net verpassen

Programm

Dossieren

  • Dossier: Relatiounen tëscht Portugal a Lëtzebuerg

    Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun ass den Ament zu Lissabon. An eisem Dossier fannt dir all eis Bäiträg an Artikelen iwwer d'Theema.

  • De Krich an der Ukrain

    De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen