Maddy - Cool Nei Single, neie Projet
Ee ganz neie Projet stelle mir Iech vir. Eng Single mat engem funkege Groove an engem iwwerraschende méistëmmege Gittarenintermezzo setzt dofir den Toun. De jonke Museker, deen hanner dem Numm Maddy stécht, Matheus Wojda mam biergerlechen Numm,a Museksstudent zu Amsterdam, hat de Marc Clement kierzlech am Gespréich.
Funky R&B Projete vun där méi heller Klangfaarf ginn et net vill zu Lëtzebuerg. Ee jonke Lëtzebuerger Museksstudent zu Amsterdam huet de Mangel gespuert an op eng laang verspierte Loscht hi gehandelt. Déi éischt Single "Cool" wuermt sech mat hirer melodescher Bass an engem ausgeklügelten Arrangement an d'Ouer a klengt ganz frësch.
Mateus Wojda heescht de Mann hanner der Musek, fréier Bassist bei All The Way Down, enger punkeg-rockeger Band vu Wolz, déi och deemools schonn a wéinstens engem Song eng kleng Funk-Allusioun prett hat.
Méi gëtt et op der neier Plack vum Tommek ze héieren, wou de Mateus op engem Song mat derbäi ass, bei der Band La Bofia an op der zukünfteger Release vu sengem fréiere Bandkolleeg, Don Piano, dee kierzlech bei de Crazy Quarantine Sessions opgetaucht war. Affaire à suivre.
An der Mediathéik:
LauschterenMéi zum Thema
Déi positiv Säit vum Confinement
Lëtzebuerger Museker a Bands schreiwe Lidder aus der Quarantän fir de radio 100,7. Dräimol an der Woch gëtt en neie Song virgestallt. D'Contributioun vun Autumn Sweater heescht "Half of March".
Eng Momentopnam vun der Musekszeen am Confinement
D'Annulatioun vun alle kulturelle Manifestatiounen huet dozou geféiert, datt vill MusekerInnen eleng doheem sinn. De radio 100,7 huet 13 Lidder an Optrag ginn. Deen éischte Song kënnt vu Francis of Delirium.
