Musikalesch Visittëkaart Maurice Clement: Vun der Uergel bis zum Jazz
Dem "Organist titulaire" an der Philharmonie Maurice Clement säi musikalesche Goût geet wäit iwwer seng Léift fir d'Uergelmusek eraus. Hien ass och begeeschtert vun traditioneller Musek aus aner Kulturen, vu Klassik mee virun allem vun Jazz.
No senge Studien am Stater Conservatoire war de Maurice Clement zu Bréissel um Conservatoire Supérieur. Duerno geet de Museker sech bei de Jean Boyer am Conservatoire National Supérieur vu Lyon perfektionéieren. D'Renconter mat sengem Professer Jean Boyer wäert de Parcours vum Maurice Clement staark markéieren. Am Laf vu senge Studie gëtt den Organist Laureat vum prestigiéisen internationale Gottfried Silbermann Concours.
Haut ass de Maurice Clement "Organiste titulaire" an der Philharmonie a Professer am Conservatoire du Nord, wou hien d'Klasse fir Improvisatioun leed. Iwwer d'Grenz eraus huet hie sech als Solist op grousse Festivale bemierkbar gemaach wéi: Dorënner New York, Washington, Paräis, Bréissel, Zürech, Prag, Mailand, Kopenhagen a Wien.
De Maurice Clement ass och musikalesche Partner vu ville Solisten, wéi d'Trompettistin Tine Thing Helseth oder de Perkussionist Martin Grubinger.
Dës Stécker huet hie fir seng Musikalesch Visittëkaart mat an de Studio bruecht:
- Jordi Savall - À Damas
- Prison Songs: Black Woman
- Billie Holiday: Strange Fruit
- Keith Jarret: Personal Mountains
- Miles Davis: Tutu - Live
- Shingetsu: La lune du coeur
- J.S. Bach: Kontrapunkt aus "Kunst der Fuge" mam Organiste Jean Boyer
- Franz Schubert: Quintet D 956 - Adagio mam Alban Berg 4tet & Heinrich Schiff, Cello
An der Mediathéik:
LauschterenMéi zum Thema
De "Marly Marques Quintet"
De Marly Marques Quintet huet en neien Album fäerdeg: Den Nolauschterer erwaart liichten Jazz mat eegene Kompositiounen. Mee wie stécht eigentlech hannert dëser jonker Jazz-Formatioun?
Jean Muller: Net nëmme Klassik
Als unerkannten internationale Kënschtler ass de Pianist Jean Muller bestëmmt ee vun deene beschte Museksambassadeuren zu Lëtzebuerg. Säi Museksgoût hält awer net bei der Klassik op.
Nico Binsfeld: Faible fir Klassik a Rock
Den Nico Binsfeld ass zënter engem gudde Joer Direkter vum House of Training an der Chambre de commerce. Hien huet eis méi iwwer sech a virun allem seng musikalesch Virleifte verroden.
De Rythmus mécht d'Musek
Drummer? Och! Jazzdrummer? Och! Einfach Museker, seet de Jeff Herr, deen d'musikalesch Playlëscht fir eng Stonn op d'Bee gesat huet.
