Eemol am Mount sinn an der Kulturfabrik zu Esch Concerten, déi de radio 100,7 live iwwerdréit. Den éischte Concert kënnt vun der Indie-Rock-Formatioun Tuys, déi dëse Samschdeg um 17:00 Auer gespillt hunn. Hiren Optrëtt an der Kulturfabrik ass och d'Contributioun vum radio 100,7 fir den Eurosonic Festival am Januar.
"Mir si mega happy, endlech erëm ee Concert spillen ze kënnen", seet de Keyboarder a Gittarist Tun Biever. Tuys huet och vum Concert an der Kufa profitéiert fir e Lidd ze spillen, dat si nach ni live gespillt hunn.
