Sonic Visions Komfortrauschen: Techno am Punk-Outfit
"Mir sinn am Fong Instrumentalisten, déi den Techno entdeckt hunn", seet de Philipp Oertel vu Komfortrauschen.
Deen üblechen Nodeel vun der Technomusek, datt se dacks nëmmen dem Konsument säi Kierper zum Wibbele bréngt, hu si fir sech geléist: si spillen elektronesch Musek mat Bass, Batterie a Gittar. Live ass et beandrockend, dat bal maschinell präziist Spill vu Komfortrauschen gelieft viru sech ze gesinn a sech bei der Trance matgoen ze loossen.
Datt een e bëssen Zäit brauch fir an hir Musek eranzekommen, kënnen déi dräi Membere gutt verstoen. Een enke Club ass de perfekte Lieu fir Komfortrauschen ze genéissen, déi mat hiren Acid Basslinnen a staarker Batterie d'Blutt un d'pulséiere bréngen. De Kapp schalt een am Beschten aus, an do passt dann och de Bandnumm.
Am Gespréich mam Yves Stephany erzielen d'Berliner vum Sonic Visions Festival vun hirer Musek.
Méi zum Thema
Pedro Winter: D'Technologie bändege fir d'Musek
De Pedro Winter ass Besëtzer a Manager vun Ed Banger Records, Architekt vun Daft Punk an Justice. Et géif ee sech en Entrepreneur mat engem sechste Sënn erwaarden. Amplaz fënnt een e passionéierten Ex-Skater.
Musikalesch Visioune wierklech maachen
An engem Esprit d'Echange ass de Sonic Visions Festival dem musikalesche Nowuess gewidmet. Et ass eng Kombinatioun aus Showcase a Konferenzen. Zil ass et ze informéieren an Tuyauen auszetauschen.
