Album vun der Woch Japanese Breakfast - Jubilee

Jubilee vun Japanese Breakfast ass eng Sammlung vu groussaartege Popsongs, déi trotz enger gewësser Melancholie ganz lëfteg dohierkommen, a sech immens gutt lauschteren.

Yves Stephany / tt

Japanese Breakfast Jubilee

D'Opener vun den zwee éischten Japanese Breakfast Albummen hate mam Doud ze doen. Der Michelle Zaumer hir Mamm war u Kriips gestuerwen - hir Musek war duerchzu vun Trauer. Um Debut Psychopomp housch et 2016 nach "In Heaven". Um neie Longplayer heescht ee Song "In Hell". An och wa si am Text onpoetesch doriwwer séngt, wéi et sech ufillt wann ee muss den ok ginn, fir am Spidol d'Maschinnen auszeschalten, a wéi steril den Doud ënner den Neonstüben ausgesäit ... d'Sängerin betruecht déi Zeenen aus der Distanz, an akzeptéiert an hirer Musek den Doud als Deel vum Liewen. Well eigentlech ass deen neien Album eng Ode un d'Liewen an un d'Freet.

Japanese Breakfast ass um drëtten Album vum Solo-Projet vun der Michelle Zaumer zu engem Duo gewuess. De Batteur a Produzent Chris Hendrix gouf um neie Wierk zu engem vollwäertege Member. An engem Interview mat NPR erkläre si, datt hir Zesummenaarbecht zu enger richteger Symbios gouf, an datt d'Stécker vill méi fäerdeg ware wéi si an de Studio gaange sinn, wéi beim Virgänger. Dat gëtt däitlech bei de Bléiser- a Sträicher-Arrangementer, déi immens op de Punkt sinn, an d'Kompositiounen op e ganz aneren Niveau hiewen.

Déi orchestral Arrangementer zéie sech wéi e roude Fuedem duerch den Album. Si sinn d'Speis, déi fir Koherenz tëschent deenen eigentlech ganz ënnerschiddleche Songs suergt. Si hätte fir d'éischt mol all Song als eegestännegt Konschtwierk gekuckt, erklären Japanese Breakfast am Gespréich mam ëffentlechen amerikanesche Radio.

Sou fënnt een op Jubilee lo-fi Elektro-Pop Nummere wéi Slide Tackle, melancholesch Ballade wéi Posing in Bondage oder Tactics, oder méi folkeg Kläng wéi bei Kokomo, Indiana, wou souguer eng Slide-Gittar opdaucht.

Jubilee vun Japanese Breakfast ass eng Sammlung vu groussaartege Popsongs, déi trotz enger gewësser Melancholie ganz lëfteg dohierkommen, a sech immens gutt lauschteren. Et ass e Fest vu positive Vibes, deen och ganz gutt an dës Zäit passt, wou de Schied vun der Pandemie sech schéngt ze hiewen.

An der Mediathéik:

Album vun der Woch / / Yves Stephany
Lauschteren

Méi zum Thema

369Daniel Balthasar (Foto-Veronique Kolber).jpg
Daniel Balthasar

Op sengem 8. Album "somebody's somebody" zeechent den Daniel Balthasar e Bild vun engem Personnage, deen no Identitéit a Sënn sicht. Mat enger neier Band bléist de Lëtzebuerger Museker frësche Wand a seng Kompositiounen.

Gruff Rhys
Gruff Rhys - Seeking New Gods

De Waliser Gruff Rhys steet fir Feel-Good Musek mat psychedeleschem an heiansdo nodenklechem Aschlag. Seng nei Plack "Seeking New Gods" ass bis zum Platze gefëllt mat accessiblen Hooks an interessanten Twists.

image_6483441.JPG
Nei Ambient EP vun Death Was A Mistake

De Maxime Weber wunnt zanter e puer Joer zu Berlin a schreift Prosa a Musek. Mat sengem neie Projet Death Was A Mistake hëlt seng Kreativitéit awer ganz aner Weeër: éischter elektronesch an ambient.

Airship P81
Nei EP vun Airship81

Den zweeten EP vun Airship 81, deen de 4. Juni erauskënnt, féiert d'Rees weider, mee a méi waarme Faarftéin. E Gespréich mam Paul Bradshaw iwwer de Prozess an d'Verbindung vu Musek a visuellen Elementer.

Net verpassen

  • 16.10. Riicht eraus - Bleift d'Kierch am Duerf?

    Riicht Eraus_Beift Kierch am Duerf 2.jpg

    Wéi kënnen an däerfen entweite Kierchen nach gebraucht ginn? Et diskutéieren d'Architektin Sala Makumbundu, de Kierchenexpert A. Langini, de G. Kieffer vum Bistum, an den R. Mangen, Schäffen Déifferdeng.

Programm

Dossieren

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

  • Olympesch Spiller 2021

    D'Olympesch Spiller fannen, mat engem Joer Verspéidung, tëscht dem 23. Juni bis den 8. August zu Tokyo statt. Fir eis op der Plaz ass eise Korrespondent Philip Crowther.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen