Sample vun der Woch Isaac Hayes - A Few More Kisses To Go

Dat do kennen ech dach, oder? Wien huet déi Melodie geklaut, wien huet dee Rhythmus nogespillt? De Bobby Bieles ass Sample-Detektiv an erzielt d'Geschichte vu Lidder, deenen hir Bestanddeeler ëmmer nees an neier Form re-inkarnéiert goufen.

Bobby Bieles / cz

e37.jpg

1979 ass dëst Lidd hei erauskomm: "A Few More Kisses To Go" vum Isaac Hayes. D'Lidd ass vun him selwer produzéiert. Et ass déi beschte Ballad vu sengem 14. Album "Don't Let Go". Den Issac Hayes ass en Multi-Instrumentalist an Autodidakt. Säin Markenzeechen ass natierlech eng Glatz, Goldketten a Sonnebrëller. Hien ass bekannt fir seng laang Lidder a lues Grooven.

Seng bekanntst Albe sinn "Hot Buttered Soul", "Black Moses" an de Soundtrack fir de Film "Shaft". Seng Monologen op verschidde Lidder hunn de Rap vun Hautdesdaags staark beaflosst. Seng éischt Saache sinn um bekannte Stax Label erauskomm, mee no engem Sträit mat hinnen huet hien säin eegene Label gegrënnt "Hot Buttered Soul", op deem dann och deen heiten Album erauskomm ass "Don't Let Go'". Säin typesche Memphis-Sound ass an dëser Period scho laang hanner him, Enn 70er hat hien e bëssen en kreative Leerlauf - dat hënnert d'Tatsaach awer net, datt hien en grousse Succès an der Hip-Hop Communautéit hat.

Den Eric Sermon huet dëst Lidd gesampelt fir dem Redman säin "Tonights Da Night" doraus ze maachen. Dat war op sengem éischten Album "Whut? The Album" deen 1992 erauskomm ass. Et war souguer déi drëtt Maxi-Auskopplung dovunner. Hien ass eng Referenz am Hip-Hop, deelweis natierlech wéinst der perfekter Produktioun vum Eric Sermon.

Shabba Ranks huet dat Lidd och gesampelt fir säin "Rough Live" doraus ze maachen. Dat war op sengem Album "A Mi Shabba" vun 1995. D'Produktioun ass vum Puff Daddy. De Shabba Ranks ass en bekannten Dancehall Star, e bëssen sou wei de Buju Banton, Beenie Man oder Sizzla.

En lescht Beispill fir d'Benotzung vun dësem Lidd ass de Master P mat "Is There A Heaven For A Gangsta?", deen 1997 erauskomm ass. Et kann een de Master P bal net haassen, hien huet sou vill divers Saachen op sengem "No Limit" Label erausbruecht, ënner anerem och dat heite Lidd, wat et op de Soundtrack vum Film "Rhyme & Reason" geschafft huet.

Méi zum Thema

e36.jpg
Sample vun der Woch

Dem Aaron Neville sain Lidd "Hercules" huet eng onverkennbar Bassline. Obwuel d'Lidd et net op eng Plack gepackt huet, schafft et et finalement an den 90er op verschidde Kompilatiounen a gëtt och gesampelt.

e35.jpg
Sample vun der Woch

"It's A Shame", eent vun den éischte Lidder, déi de Stevie Wonder net fir sech selwer geschriwwen huet, mee fir eng aner Grupp - The Spinners. Ee vun de gréisste Motown-Hits, a verschiddenen Hip-Hop-Perioden opgegraff.

Net verpassen

  • 16.10. Riicht eraus - Bleift d'Kierch am Duerf?

    Riicht Eraus_Beift Kierch am Duerf 2.jpg

    Wéi kënnen an däerfen entweite Kierchen nach gebraucht ginn? Et diskutéieren d'Architektin Sala Makumbundu, de Kierchenexpert A. Langini, de G. Kieffer vum Bistum, an den R. Mangen, Schäffen Déifferdeng.

Dossieren

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

  • Olympesch Spiller 2021

    D'Olympesch Spiller fannen, mat engem Joer Verspéidung, tëscht dem 23. Juni bis den 8. August zu Tokyo statt. Fir eis op der Plaz ass eise Korrespondent Philip Crowther.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen