Sample vun der Woch George Duke - Dream On

Dat do kennen ech dach, oder? Wien huet déi Melodie geklaut, wien huet dee Rhythmus nogespillt? De Bobby Bieles ass Sample-Detektiv an erzielt d'Geschichte vu Lidder, deenen hir Bestanddeeler ëmmer nees an neier Form re-inkarnéiert goufen.

Bobby Bieles

e39

Den George Duke ass en amerikanesche Keyboard Spiller, Komponist a Singer-Songwriter, deen iwwert 30 Albumen erausbruecht huet. Hien ass bekannt fir seng Jazz- an Funk-Fusiounen Enn vun de 70er Joren. Säi populäre Succès huet him deemools souguer erméiglecht ganz Stadien ze fëllen. An den 80er huet hie säin Succès bestätegt duerch eng Rei Kollaboratiounen a Solo-Projeten, wéi zum Beispill "Dream On", en Album, deen 1982 erauskoum. Dat war säi 16. vu sengen 30. Hie gouf spéider souguer e bësse vu seriöen Jazz-Kritiker gesnobed; hie géif ze vill mat Experimentatioun spillen - hie baut nämlech Deeler vu Funk, Soul oder souguer Disko a säin Jazz an. Dat heite Lidd ass relativ ënnergaangen an der Mass vu senge Releasen.

... Bis zum Joer 2007, wéi de Kanye West dat Lidd erëm ausgegruewen huet. An zwar fir dem Common säin "Break My Heart" ze bauen. Dat war um Album "Finding Forever", deen zweeten Album vum Common, dee ganz vum Kanye West produzéiert gouf. De West probéiert hei den J Dilla op eng ganz komplex Aart an Weis ze emuléieren. Duerch seng Aart Samples ze schneiden, Perkussiounen ze spillen oder d'Stëmmen ze pitchen, geléngt him dat hei ganz gutt op de meeschten Tracks vum Album, obwuel dësen Album e bësse manner wichteg bleift, wéi säi Virgänger "Be".

De Common gouf selwer eng Kéier gesampelt op dësem ganz witzege Remix vum DJ Rashad an Chi Boogie "Love To Give". Et geet hei ëm early Juke Musek an e spéidere Grondsteen fir de Footwork Mouvement aus Chicago.

Dem George Duke säi "Someday" gouf net nëmmen dacks gesampelt, mee och gecovert. Ee Beispill wier hei dofir de Peter Herbolzheimer Rhythm Combination & Brass. Hien huet 1978 eng Reprise gemaach, ass selwer de Leader vu senger Kölner Bigband. Hien ass dacks mat sengem Orchester duerch Europa an Amerika getourt an huet en accessibele Programm fir populär Showe gespillt.

En anert Beispill vun engem Cover ass vum Al Jarreau zesumme mat der Dianne Reeves. Dat war um Album "My Old Friend: Celebrating Goerge Duke". Den Al Jarreau war jo quasi e Schüler vum George Duke, dofir ass et selbstverständlech, datt hien him hei e leschten Hommage mécht. Dësen Album koum 2014, ee Joer nom Doud vum George Duke, eraus.

An der Mediathéik:

De Sample vun der Woch / / Bobby Bieles
Lauschteren

Méi zum Thema

e29.jpg
Sample vun der Woch

Mam Album "El Condor Pasa" vun 1971 daucht de franséische Komponist Paul Mariat a säin Orchester mat engem soulfulen Twist an d'70er Krimiserien an. D'Lidd "Melancholy Man" huet et de Beatmaker dobäi besonnesch ugedoen.

wystraete.jpg
SAMPLE VUN DER WOCH

De Sample vun der Woch kënnt vum Bernard Wystraete, deen 1969 mat sengem Orchester eng Reprise vun der Grupp Wallace Collection opgeholl: "Daydream". 2001 huet den Danny Dan The Beat Mann d'Lidd fir eng Breakbeat-Kompilatioun opbereet.

Net verpassen

  • 17.10. De Gudden Toun

    De Gudden Toun.jpg

    Wann d'Deeg méi kal, gro a kuerz ginn, stécht deen een oder anere vläicht de Kapp nees méi an déi sozial Medien. An der Oktober Editioun schwätzen de Roland Meyer, Ian De Toffoli, Raoul Biltgen, Jeff Schinker an d'Anne Klein.

Programm

  • Notturno

  • On air

    Virum Dag vu 6 bis 10

  • Panorama

  • Virum Dag vu 6 bis 10

  • Noriichten

Dossieren

  • CinÉast 2021

    Et ass déi véierzéngt Editioun vum CinÉast Filmfestival. Vum 7. bis de 24. Oktober ginn Featuren a Kuerzfilmer aus Länner aus Mëttel- an Osteuropa gewisen. Siwe Filmer sinn an der Kompetitioun.

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen