Congés Annulés Francis of Delirium: Mat klengem Orchester

Mat Sträicher, Bléiser oder esouguer Orchester spillen, ass fir Museker ausserhalb vun der Klassik e spannend Erliefnis. Fir de kanadesch-amerikaneschen Duo vu Lëtzebuerg "Francis of Delirium" ass et dëse Samschdeg esouwäit. Der Jana Bahrich hir intim Grunge-Rock-Stécker kréie geschmeideg harmonesch Ënnerstëtzung. Den Jamie Reinert huet sech am Virfeld mat der Musekerin ënnerhalen.

Jamie Reinert / cbi

Francis-of-Delirium - Orchestral Session
Foto: Ruben Dos Santos

De moderne Pop-Museker léisst et sech net entgoen. Déi kräfteg an texturräich Ënnerstëtzung vun engem Orchester ass eemoleg an dobäi kënne sech déi etabléiert akustesch Instrumenter all Projet uneegnen. Do bleift Grunge an Emo och net verschount.

Mee d'Musek vu "Francis of Delirium" ass souwisou schonn harmonesch interessant, sou datt déi orchestral Eskapade méi wéi Sënn mécht. Déi éischt Prouwe hätten op alle Fall e staarken Impakt op d'Jana Bahrich gehat.

"Déi Woch huet mech richteg markéiert. Wierklech. Et huet [sech] eng ganz Welt vu Fräiheeten opgemaach an eng Opreegung ausgeléist, alles ze exploréieren. Ech hat Konschtmusek schonn ëmmer gär. An déi ganz Experienz huet mech einfach motivéiert alles auszeprobéieren a mech net reng vu Rockmusek anengen ze loossen."

D'Musek vum Johannes Brahms wier fir déi orchestral Ëmsetzung vun hire Kompositiounen eng grouss Inspiratioun gewiescht. Arrangéiert gouf dat Ganzt vum Pol Belardi, deen och muer den Owend dirigéieren a Vibraphone spille wäert.

Weider Begleedung kritt d'Jana Bahrich da vun engem Sträicher Trio vu Bréissel, Cor, Fagott, Bass-Klarinett a Flute. Déi verzerrte Gittar a kräfteg Batterie ginn also op d'Säit gelooss, mee d'Stécker géife sech trotzdeem selwer trei bleiwen.

"Verschiddener hu gesot "wow, et ass esou cool, kléngt ganz anescht", mee fir mech kléngt et iergendwéi d'Nämmlecht, well d'Häerz vum Lidd eben nach ëmmer do ass."

D'Kollaboratioun mat all de Museker, dësem klengen Orchester, huet der Jana Bahrich Loscht fir méi gemaach. Et wier iergendwéi traureg gewiescht no de Prouwen zeréck an d'Schlofzëmmer ze goen, wou engem nëmmen d'Gittar iwwereg bleift. "Francis of Delirium" wäert also an Zukunft säi musikaleschen Horizont weider ausbreeden. Der Jana Bahrich hiren Enthusiasmus fir dëse Projet schwätzt fir sech selwer.

"Et huet einfach Spaass gemaach. Se sinn alleguer fantastesch Museker. Dacks war ech "kënnt dir dësen Deel vun dësem Stéck nach emol spillen?" a si ware "jo, natierlech!". Vläicht ware se e bësse genervt vu mir, well ech meng Freed net anhale konnt. Am léifste géif ech si alleguer mat a mäi klengt Zëmmer huele wou ech produzéieren. Fir se einfach do ze hunn."

An der Mediathéik:

Musek Aktuell / / Jamie Reinert
Lauschteren

Méi zum Thema

Francis of Delirium Schlofzëmmerbléck
Schlofzëmmerbléck

D'Annulatioun vun alle kulturelle Manifestatiounen huet dozou geféiert, datt vill MusekerInnen eleng doheem sinn. De radio 100,7 huet 13 Lidder an Optrag ginn. Deen éischte Song kënnt vu Francis of Delirium.

Francis of Delirium
Francis of Delirium

E Grunge-Lidd als Rappell sech um Rimm ze rappen. Op der éischter offizieller Single vu Francis of Delirium geet déi 18 Joer jonk Musekerin op d'Sich no gesond Gedanken a Bedeitung am Liewen.

Net verpassen

  • Offre d'emploi: Journaliste-présentateur/trice

    radio 100,7

    L'Établissement de Radiodiffusion Socioculturelle, opérateur de la radio de service public radio 100,7, recherche Un/e Journaliste-présentateur/trice sous contrat à durée indéterminée et à tâche complète (40h/semaine).

Programm

  • Notturno

  • On air

    Virum Dag vu 6 bis 10

  • Sot emol vun 10 bis 11

  • Iwwer Mëtteg vun 11 bis 2

  • Resonanzen

Dossieren

  • Olympesch Spiller 2021

    D'Olympesch Spiller fannen, mat enger Joer Verspéidung, tëscht dem 23. Juni bis den 8. August zu Tokyo statt. Fir eis op der Plaz ass eise Korrespondent Philip Crowther.

  • Déi national Anti-Krise-Pläng an der EU

    Wat maachen d'Länner mat den Suen, déi hinnen aus dem Europäeschen Fonds de Relance zoustinn? An eiser Rubrik Europa Aktuell huele mer déi national Pläng ënner d'Lupe.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen