Sample vun der Woch Foster Sylvers - Misdemeanor

Dat do kennen ech dach, oder? Wien huet déi Melodie geklaut, wien huet dee Rhythmus nogespillt? De Bobby Bieles ass Sample-Detektiv an erzielt d'Geschichte vu Lidder, deenen hir Bestanddeeler ëmmer nees an neier Form re-inkarnéiert goufen.

Bobby Bieles / cbi

e19.jpg

"Misdemeanor" ass 1973 um Foster Sylvers sengem éischten Album erauskomm - hie war deemools eelef Joer al. Et ass geschriwwen vu sengem grousse Brudder a produzéiert vum Jerry Peters.

Wéi gesot, et war déi éischt Maxi vu sengem éischten Album a säi gréissten Hit ever. Seng Stëmm klengt iwwerdriwwe funky a räif fir säin Alter. Hie war deemools locker op engem selwechte Level mam Michael Jackson.

Dat dote war de Summerhit vun 1973 a seng Apparitioun bei Soul Train war bemierkenswäert. Soul Train war eng amerikanesch Soul an Funk Fernsee Show. Hie war do zesumme mat senge Schwësteren opgetrueden, Pat an Angie, déi d'Backing vocals gesongen hunn. 1975 war hien dann al genuch an der Familljenentreprise bäizetrieden. "The Sylvers" huet d'Grupp geheescht a se war scho mat all de Bridder a Schwëstere relativ etabléiert, bëssen esou wei d'Jackson 5.

Si hu bis an d'80s Hits zesumme geschriwwen, dunn huet den Foster nees eng Solokarriär ageschloen an huet zum Beispill fir Leit wéi Janet Jackson Lidder geschriwwen. Hien ass awer ni méi esou bekannt gi wéi deemools mat eelef Joer.

1989 huet den Dr. Dre hie gesampelt fir d'Lidd "It's Funky Enough" vum Rapper D.O.C. vum Album "No One Can Do It Bether". Dat gouf och dem D.O.C. säi gréissten Hit ever a gouf och dacks selwer gesampelt, ënner anerem vu geschmacklose Gruppe wéi zum Beispill 2 Unlimited. Den D.O.C. ass am Fong e Rapper aus Texas.

Hien huet seng Ufäng gemaach mat der Grupp Fila Fresh Crew. Just herno hat hien e bëssen eppes mat N.W.A. ze dinn, hien hat zum Beispill véier Tracks op hirer Kompilatioun "N.W.A. & The Possee". Duerno huet hien Deat Row Records zesumme mat Dr. Dre an Sugh Knight gegrënnt. Zanter hien en Autosaccident hat, huet hie sech e bëssen zeréckgezunn.

En anere Producer, deen de Foster Sylvers gesampelt huet, ass de Puff Daddy. Hien huet d'Lidd "That's Gangsta" fir de Rapper Shyne am Joer 2000 um Label Bad Boy erausbruecht.

Mee meng Liiblingsversioun bleift warscheinlech eppes, dat 2020 erauskoum, an zwar d'Lidd "Out Of Sight" vun der Grupp Run The Jewels. Si hu warscheinlech den Album vum Joer geschaaft mat hiren RTJ4.

D'Lidd ass e kloren Hommage un den D.O.C., si benotzen hei déi selwecht Perkussioun a Flow Elementer. De ganzen Album ass eendeiteg Protest-Musek a war och de Soundtrack fir vill Black Lives Matter Demoen. All Featuring ass perfekt erausgesicht, wéi hei zum Beispill den 2Chainz, e Rapper a Promi aus Amerika. Hien gouf notamment bekannt duerch seng Schauspillkarriär an der Viceland-Show "Most Expensivest".

An der Mediathéik:

De Sample vun der Woch / / Bobby Bieles
Lauschteren

Méi zum Thema

e18.jpg
Sample vun der Woch

D'Leitmotiv vum Horrorfilm koum 1980 eraus. Den Ortolani ass een italieeneschen Komponist, dee vun 1926 bis 2014 gelieft huet an en etlech Soundtracke produzéiert huet. D'Geschicht vum Lidd.

e17.jpg
Sample vun der Woch

D'Lidd "Never Gonna Stop" vun der villsäiteger Sängerin a Schauspillerin koum 1979 eraus an huet zwee vun deene Groussen am Hip-Hop inspiréiert: den 2Pac an den Nas.

Net verpassen

  • Rapport d'activités 2021

    Banner.jpg

    De Rapport d'activités 2021 vum radio 100,7 ass verëffentlecht ginn. E gëtt en Abléck an d'Aktivitéite vun de verschiddene Servicer a Redaktiounen am leschte Joer.

Programm

Dossieren

  • Dossier: Relatiounen tëscht Portugal a Lëtzebuerg

    Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun ass den Ament zu Lissabon. An eisem Dossier fannt dir all eis Bäiträg an Artikelen iwwer d'Theema.

  • De Krich an der Ukrain

    De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen