Schlofzëmmerbléck Eng Momentopnam vun der Musekszeen am Confinement

D'Annulatioun vun alle kulturelle Manifestatiounen huet dozou geféiert, datt vill MusekerInnen eleng doheem sinn. De radio 100,7 huet 13 KënschtlerInnen eng Commande gi fir e Lidd ze schreiwen an ze produzéieren. Deen éischte Song kënnt vu Francis of Delirium.

Francis of Delirium Schlofzëmmerbléck

D'Jana Bahrich ass d'Stëmm an de kreative Kapp vu Francis of Delirium. Déi jonk Musekerin verschafft Indie, Emo a Grunge-Aflëss an hire Lidder.

"Et war net einfach fir mech ... Ech hu mech am Confinement forcéiert fir all Dag Musek ze maachen. Mee wann s de op eemol den Drock hues, datt s de ee Song muss fäerdeg maachen, frees de dech, oh mei, wat ass dat hei? Dofir hunn ech e puer Songs gemaach. An dunn hunn ech mech fir deen hei entscheet. Ech hunn eng Rëtsch Accorde benotzt, déi och a menger leschter Single 'Circles' virkommen. Vläicht hat ech dat Lidd am Kapp, well mir et wärend der Quarantän erausbruecht hunn."

"D'Lidd geet dorëms, mat sech eleng ze sinn, an all Dag an de Spigel ze kucken an ze soen, ech sinn hei an ech schaffe mat deem, wat ech hunn an ech schaffen un deene gudden Deeg an un deene schlechten Deeg. Vill Leit si méi introspektiv, well si agespaart sinn. Am Fong geet et drëms, mat engem al ze ginn, vun deem s de net wierklech fort kanns."

Schlofzëmmerbléck?

D'Zil vun der Aktioun Schlofzëmmerbléck ass et fir eng Momentopnam vun der Zeen an dëser ongewéinlecher Situatioun ze maachen, an déi musikalesch Kreatioun am Beräich vun der amplifiéierter Musek ze ënnerstëtzen an ze animéieren.

D'Lidder gi vun elo un ëmmer méindes, mëttwochs a freides um radio 100,7 diffuséiert a Mëtt Juni als Compilatioun verëffentlecht.

D'Museksredaktioun vum radio 100,7 huet Musekerinnen a Museker selektionéiert, déi hirer Meenung no pertinent a relevant sinn.

D'Aktioun Schlofzëmmerbléck gëtt vun der Action Culturelle vun der Sacem ënnerstëtzt.

Programm

  • Noriichten

  • On air

    Notturno

  • Virum Dag

  • Moies-Magazin

  • Iwwer Mëtteg

Net verpassen

Dossieren

  • #beethoven20

    De Jean Muller gëtt an 32 Episoden en déiwen Abléck an de Kosmos vum Ludwig van Beethoven senge Pianossonaten.

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen