Hand Habits - Fun House Eng douce an intim Introspektiv

Wie scho mol op engem Concert vu War On Drugs, vu Weyes Blood oder vum Kevin Morby war, dee konnt sech un der extreem verséierter Gittarenaarbecht vum Meg Duffy erfreeën, dee sech zanter Joren e Ruff als excellent Session-Gittaristin gemaach huet. Doduerch ass si och op sëllege Produktioune vun anere Bands ze héieren. Ënn Oktober koum elo den drëtte Longplayer "Fun House" vum Solo-Projet "Hand Habits" eraus, an et ass e Volltreffer, net just fir d'Fans vum handgemaachten an éierlechen Indierock.

Vicky Stoll / tt

Hand Habits

Eppes Wichteges direkt virweg: D'Meg Duffy, déi Persoun, déi hannert dem Folkrock-Projet Hand Habits stécht, an em déi et also haaptsächlech an dësem Bäitrag geet, versteet sech als non-binär. Fir dësem Ëmstand sproochlech beschtméiglech gerecht ze ginn, ginn ofwiesselend weiblech a männlech Pronomen an Artikele benotzt.

Klasseschen amerikanesche Songwriting

Hand Habits, dat sinn d'Gewunnechte vun eisen Hänn, déi sech jo zum Beispill verselbststännegen, wa mir op eppes konzentréiert oder an eppes verdéift sinn. Dem Meg Duffy seng Hänn kënne virun allem eppes besonnesch gutt: Hien huet sech nämlech e Numm als exzellente Session-Gittarist gemaach, besonnesch seng Skills op der Slide-Gittar si vill gefrot.

En Talent fir Bescheidenheet

Den Album "Fun House" weess vum Meg Duffy sengem Talent vun der gekonnter Zeréckhaltung ze profitéieren. Eng perfekt ausbalancéiert Harmonie zeechent dës Plack aus, sief et duerch déi douce Arrangementer, déi dezent a geschmackvoll Gittarenasäz oder och déi sober, mee waarm Produktioun.

Méi modern Aflëss, wéi zum Beispill deen een oder anere syntheeteschen Arpeggio, sinn och ze héieren. Beim éischten Titel "More Than Love" hu mir et mat engem zimmlech klassesch opgebauten Indierock-Lidd ze dinn, wat allerdéngs duerch seng onopgereegte Klimax ze iwwerzeege weess. D'Meg Duffy séngt dovun, datt Léift eleng fir eng Bezéiung dacks net duergeet.

Ongekënschtelt an onopdrénglech

D'Lyrics bleiwen, wéi d'Instrumentéierung och, zeréckhalend. Der Meg Duffy hir ongekënschtelt Stëmm rifft duerch hir intim Ablécker vill Biller ervir a beréiert op eng onopdrénglech Manéier. Am Lidd "Just To Hear You" kritt si Bäistand vum Michael Hadreas, dat ass de Kapp hanner dem immensen Indiepop-Genie Perfume Genius. Den Track "No Differences" geet dann och op d'Identitéitsproblematik an, déi hei ufanks kuerz ugeschwat gouf.

A schéine Biller gëtt hei usazweis erzielt, wéi et sech ufillt, wann een op der Sich no sech selwer ass, a wann dat Geschlecht, wat engem vu baussen zougeschriwwe gëtt, sech wéi en Anker ufillt, deen een dovun ofhält, weiderzezéien. Bref, Hand Habits liwwere mat hirem drëtte Longplayer "Fun House" eng ganz douce a stilsécher, mee och touchant Reinterpretatioun vum traditionellen amerikanesche Folk-Sound. Onbedéngt eralauschteren, et lount sech.

An der Mediathéik:

Album vun der Woch / / Vicky Stoll
Lauschteren

Méi zum Thema

Claire Parsons
Fënnefvéierel

Am Fënnefvéierel geet et haut an d'Schungfabrik zu Téiteng. Do besiche mer eng Sängerin ëmzéngelt vun diversen Tasteninstrumenter, engem Mikro a komeschen Effekter. D'Claire Parsons gëtt eis een Abléck an hire kreative Prozess.

Visuel Gléckleche Sisyphus
De Gléckleche Sisyphus

En éischten Abléck an d'Wierk "Sisyphus' Sohn" vum Pierre Weber no engem Text vum Raoul Biltgen. D'Uropféierung vun der Commande vum radio 100,7 a vum KuK séngt de Vocalensembel The Duke's Singers.

Gigi Felten - Heavy Petrol
The Sky Is Crying

De Gittarist vun Heavy Petrol an Touningenieur an der Kulturfabrik ass dout. Hie war e frëndlechen, diskreten an hëllefsbereete Mënsch. Hei ass d'Aircheck Session, déi den Gigi mat senger Band gespillt hat.

21-11-02 715Voka Gentle (Hannah Sommer).jpg
Album vun der Woch

De Konscht-Pop-Trio vu London verféiert op hirem neien Opus mat engem komesche Misch-Masch fir chaotesch Zäiten. Op "WRITHING!" kritt ee keng Revolt, mee vill komescht Gekrëmms a Gewéckels gebueden.

Net verpassen

Programm

Dossieren

  • Dossier: Relatiounen tëscht Portugal a Lëtzebuerg

    Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun ass den Ament zu Lissabon. An eisem Dossier fannt dir all eis Bäiträg an Artikelen iwwer d'Theema.

  • De Krich an der Ukrain

    De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen