Klassik-CD vun der Woch En herrlechen Disk

De Solo-Klarinettist vum SWR Sinfonieorchester Dirk Altmann iwwerzeegt mat senger Interpretatioun vum Wolfgang Amadeus Mozart sengem Klarinettequintett a sengem Klarinetteconcerto.

Manuel Ribeiro / cz

Dirk Altmann - CD Mozart.jpg

De Solo-Klarinettist vum SWR Sinfonieorchester huet dem Wolfgang Amadeus Mozart säi Klarinettequintett a säi Klarinetteconcerto beim Label TACET op Disk agespillt. Do donieft sinn och zwee Lieder vum Mozart fir Klarinett a Pianoforte an enger Transkriptioun ze héieren. Dës herrlech CD iwwerzeegt net wéinst dem Programm, mee duerch d'Interpretatioun, d'Qualitéit vun der Opnam an duerch de Choix vun der Bassetklarinett.

D'original Partiture gi respektéiert

Enn des 18. Joerhonnert huet d'Klarinett nach guer net esou ausgesi wéi haut. D'Instrument hat keng 16 oder méi Klappen, mee huet virun allem mat Lächer an eventuell zwou Klappe funktionéiert, jee nom Modell. An de 1780er Joren entdeckt de Mozart duerch de Virtuos Anton Stadler d'Klang- an déi technesch Méiglechkeete vun der deemoleger Klarinett, respektiv der Bassetklarinett. Zum Schluss vu sengem Liewe komponéiert hien ënner anerem zwee herrlech Wierker fir d'Bassetklarinett.

Vereinfacht gesot, ass d'Bassetklarinett haut u sech eng "verlängert" Versioun vun der Sib- oder La-Klarinett. D'Extensioun erméiglecht et méi déif an de Register ze goen a gëtt dem Instrument e méi vollen a waarme Klang. Gläichzäiteg kënnen déi original Partituren vum Mozart, spilltechnesch gesinn, respektéiert ginn.

An der Mediathéik:

Lauschteren

Méi zum Thema

Franz Schubert
Komponist vum Mount

Ronn 600 Lieder huet de Franz Schubert komponéiert. Den Zyklus "Die Winterreise" huet sonner Zweiwel eng besonnesch Plaz a sengem Wierk an och an der romantescher Musek.

Mahler
Klassik-CD

Den David Briggs adaptéiert dem Gustav Mahler seng Musek fir d'Uergel. Säin aktuellste Projet huet hien zesumme mam Bariton David Pike enregistréiert. Mir ware bei enger Opnam-Sessioun dobäi.

Programm

  • Noriichten

  • On air

    Notturno

  • Virum Dag

  • Moies-Magazin

  • Iwwer Mëtteg

Net verpassen

Dossieren

  • #beethoven20

    De Jean Muller gëtt an 32 Episoden en déiwen Abléck an de Kosmos vum Ludwig van Beethoven senge Pianossonaten.

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen