Schlofzëmmerbléck En atmosphäresche Vibraphon Track mat charcutéierter Trompett

Mam Zil, eng Momentopnam vun der Lëtzebuerger Musekszeen ze skizzéieren an een Abléck an d'Schafe vun ausgewielte Museker ze kréien, huet den 100,7 13 Lëtzebuerger Kënschtler den Optrag ginn, ee Lidd am Confinement opzehuelen. Haut ass et um Pascal Schumacher. De Vibraphonist hat ufanks Krämpes mat der Inspiratioun. Enges Daags war se awer erëm do. Um Enn huet och nach de Berliner Trompettist Sebastian Studnitzky driwwer improviséiert.

Schlofzëmmerbléck Pascal Schumacher

Dem Pascal Schumacher säi Vibraphon Track "Closer" war ufanks ze schéin. Duerfir huet eng réi a lëfteg Trompett missen hier. De Lëtzebuerger Museker ass sech Hëllef bei de Berliner Trompettist Sebastian Studnitzky siche gaangen.

"Ech muss éierlech soen, ech war net terribel inspiréiert", seet de Pascal Schumacher iwwert déi éischt Zäit am Confinement. Déi kreativ Kris hätt sech awer no e puer Deeg Museksabstinenz opgeléist. "Closer" ass aus dëser Rou, där Melancholie deemools eraus entstanen.

De Vibraphon Track wier an enger éischter Form ze schéi gewiescht. "Ech wollt e bëssen eppes dat kraazt, eng aner Faarf erabréngen". Hien hätt an der Lescht vill mam Berliner Trompettist Sebastian Studnitzky zesummegeschafft a säi raue, lëftege Sound hätt einfach gepasst.

"Et ass e bëssen dat Zesummespill. Déi Rou, déi ech hei empfonnt hunn. An d'Trompett vum Sebastian Studnitzky ass éischter dat, wat dobausse passéiert, en dehors vu mengem klenge, verdreemte Schlofzëmmerbléck hei zu Lëtzebuerg."

De Sebastian Studnitzky hätt en Don fir am richtege Moment déi richteg Richtung ze entaméieren. De Pascal Schumacher wousst och net genee a wat fir eng Richtung den Trompettist géing goen. "Ech hunn natierlech e bëssen epuréiert a charcutéiert, mat senger Erlabnis natierlech".

Méi zum Thema

Schlofzëmmerbléck Claire Parsons
Schlofzëmmerbléck

Fir d'Claire Parsons war et wichteg eppes Schéines ze produzéieren am Kader vun der radio 100,7-Schlofzëmmerbléck-Commande. D'Musekerin huet wärend dem Confinement iergendwéi missen u Schnéi am Summer denken.

Schlofzëmmerbléck Maz
Schlofzëmmerbléck

De jonker Rapper Maz ass ee vun deenen 13 Museker, déi fir den 100,7 een exklusiivt Stéck am Confinement opgeholl hunn. Enner dem Titel "What is the Meaning" huet den MC keng Angscht, Froen ze stellen.

Programm

Net verpassen

  • Nei Serie: poesik

    jr-korpa-GQeSfSWmXvI-unsplash.jpg

    Dem Jean Portante seng nei Serie stellt Kompositiounen a Lidder vir, Wierder a Kläng, déi der Weltpoesie eng nei Dimensioun ginn a se dem Publikum méi no bruecht hunn.

Dossieren

  • CinEast-Festival 2020

    De CinEast-Festival weist eng Selektioun vu mëttel- an osteuropäesche Filmer. Déi 13. Editioun ass wéinst der Covid-Pandemie eng hybrid: d'Filmer gi souwuel um groussen Ecran wéi och online gewisen.

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen