Shared Distance Elektronesch Compilatioun
Op enger neier Quarantän-Compilatioun vu Lagerkultur kënnt déi lëtzebuergesch elektronesch Musek zum Zoch, besonnesch dee méi minimale Bord. Mat /teip/, Aamar, Makadam, Vantane, Hirsto a Plastic Pedestrian si sechs interessant Stëmme vertrueden a bilden zesummen ee koherenten a lëftege Mix.
"Lagerkultur wëllt konschtiwwergräifend schaffen an d'elektronesch Musek doduerch promouvéieren, datt mir si mat anere Forme vu Kultur associéieren." Dat war dem President vu Lagerkultur Philippe Hoffmann och bei der Compilatioun wichteg. Dës wäert live DJ-Sets, an enger Form oder enger anerer, mat sech bréngen.
"Mir sinn amgaang no Konzepter ze sichen, fir d'Mesurë wéinst Covid-19 ze respektéieren an trotzdeem eng beschtméiglechst Experienz ze bidden."
D'Compilatioun ass op Bandcamp unzelauschteren an ze kréien.
Méi zum Thema
Tuys live um Koll an Aktioun on AIR 2020
Tuys huet an der lescht Stécker als Episode verëffentlecht. Nei Formater fir en neien awer manner gewinnten "Tuys Sound". Si hunn um Koll an Aktioun on AIR um radio 100,7 gespillt.
Mambo Schinki live um Koll an Aktioun on AIR 2020
De Mambo Schinki ass ëmmer méi dacks op offizielle Festivitéiten a soss Festivallen invitéiert fir de Public mat senger "Space Uergel" a säin Trëndel ze zéien. De leschte Samschdeg war hien um Koll and Aktioun on AIR.
AEM live um Koll an Aktioun on AIR 2020
Et war der Emma hiren éischte Concert ouni Public, an et war ongewinnt, ouni Reaktiounen. Mam zentrale Song am Set gedenkt d'Muskerin un déi rezent Ausernanersetzungen an de Vereenegte Staaten.
