Faszinatioun fir Synthetesches Deadly Sadly Whatever
Dem Georges Goerens seng nei EP als Bartleby Delicate, annoncéiert fir de 14. Mee, heescht "Deadly Sadly Whatever" an erzielt indirekt seng Entdeckungsrees an d'elektronesch Musek.
"Ech hu scho virun e puer Joer ugefaange, mat elektroneschen Apparater ze experimentéieren, a vill vun de Songs kommen aus där Zäit."
Et léiert een néierens esou gutt wéi am Teamwork, an dofir ass den Antoine Honorez, alias Napoleon Gold agespronge, fir déi véier Tracks ze produzéieren.
Den Titel "Plastic Flowers" ass schonn eraus, mat engem brandneie Videoclip. En erzielt vun der Schimmt vum Songwriter, sech senger Stëmm ze bedéngen, wann esou vill manner Privilegiéierter kämpfe musse, fir eng ze hunn.
Lauschtert de Song live an akustesch gespillt beim Marc Clement am Interview.
An der Mediathéik:
LauschterenMéi zum Thema
"Deen een ass deem anere säi Wollef"
De Song vum Bartleby Delicate beliicht de Confinement aus der Siicht vun enger Kaz. Mee am Fong geet et och ëm e verdréitent Verständnis vu Solidaritéit an eng "mauvaise foi" an der Gesellschaft.
"Heemecht ass keng Plaz, mee e Gefill"
A senger neier Single beschäftegt de Lëtzebuerger Sänger Bartleby Delicate sech mam Begrëff Heemecht. Dee sollt an enger digitaliséierter Welt nei beluecht ginn. Als Artist misst ee Stellung bezéien.
Bartleby Delicate - Delikate Solo-Projet
Bartleby Delicate ass dem Georges Goerens säin Alter Ego. Hien ass e Singer-Songwriter deen intim Folk Musek kreéiert. A sengem neie Projet hunn Imperfektioun, Herman Melville a Fräiheet d'Soen.
