Bekannte Lidder op Lëtzebuergesch De Serge Tonnar séngt aner Lidder

Jacques Brel a Bob Dylan op Lëtzebuergesch ... Geet dat iwwerhaapt? Jo, seet de Serge Tonnar. Dëse Samschdeg presentéiert de Sänger "Aner Lidder" - en Album mat just Coverversiounen. Dobäi schénge grad d'Limitatioune vun der Lëtzebuerger Sprooch dem Sänger Spaass gemaach ze hunn.

Yves Stephany

Serge Tonnar - Aner Lidder
Foto: Yves Kortum

Hien hätt scho méi dacks mat senger Band Legotrip bekannte Lidder op Lëtzebuergesch iwwersat, seet de Serge Tonnar.

Iwwerhaapt hätt hien an de leschte Joren eng Passioun fir Iwwersetzungen an d'Lëtzebuerger Sprooch entwéckelt, an hie géif geschwënn och e Buch erausbréngen, wat hien iwwersat huet.

Lost in Translation?

Bob Dylan, Francis Cabrel, Antony and the Johnsons an Udo Lindenberg ... Dat wiere gréisstendeels Lidder, déi hie schonn e Liewe laang géife begleeden, seet de Serge Tonnar.

Awer nach laang net all Lidder géifen op Lëtzebuergesch funktionéieren. Virun allem mam Rhythmus géif et dacks net méi an der Iwwersetzung klappen.

Wierder géif et genuch am Lëtzebuergesche ginn. A mir hätte schliisslech d'Fräiheet fir der an dat Däitscht oder Franséischt léinen ze goen.

Traureg Lidder

Eng aner Gefor beim Iwwersetzen an d'Lëtzebuergescht wier, datt et däämlech oder lächerlech kléngt. Virun allem, wann een haaptsächlech eescht oder traureg Lidder interpretéiert. "Et gëtt en trauregen Owend an der Philharmonie", seet de Serge Tonnar. Seng Liiblingslidder wieren alleguer traureg Lidder.

"Sou traureg Lidder, dat ass eppes, wat emotionell déif geet. A wann d'Texter dann och nach immens gutt sinn, dann ass dat eppes, wat s de scho bal net méi kanns lauschteren, well et sou schéin ass."

Ufanks hat de Sänger d'Stécker all eleng opgeholl, a wollt se sou erausbréngen. No den éischter Prouwe fir d'Philharmonie hätt hien awer och nach bei verschiddene Stécker de Georges Uhrwald, de Boris Schmidt um Bass, de Boris Dinev op der Perkussioun an de Frin Wolter um Akkordeon mat opgeholl.

An der Mediathéik:

Backstage / / Mike Tock
Lauschteren

Méi zum Thema

Serge Tonnar an Eric Falcero
Vun der Long op d'Zong

Och an der Mammesprooch kann ee Mëssverstane ginn. Virun allem vu Leit, déi mengen, si wäre besonnesch gutt Lëtzebuerger. De Serge Tonnar wënscht sech méi Konkurrenz, virun allem bei Liebeslidder.

Programm

Praktesch Infoen

  • 27.5. Generatiounen

    27.5. Generatiounen

    Sonn duerch Vitaminnen, eng richteg Kinosfamill an de Feeling vum Café des Artistes bei Iech an d'Stuff

Dossieren

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

  • Gratis ëffentlechen Transport

    Den ëffentlechen Transport zu Lëtzebuerg ass vum 29. Februar u gratis. Dat haten d'Majoritéitsparteien Enn 2018 esou decidéiert. An eisem Dossier fannt Dir all eis Artikelen zum Theema.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen