Kulturmagasinn D'Dir ass erëm op, wann's du dech gebessert hues
Dem Edsun seng nei Single "Just Text" ass dat éischt Stéck vun engem Kierper neier Musek, deen am Moment an de Unison Studios entsteet. Mam Sergio Manique huet den Edsun een neie Produzent, deen international als Batteur a Produzent brilléiert a fréier eemol dem Edsun säin éischte Batteur war.
Edsun am Gespréich iwwer "Just Text"
Dat lescht Joer war wichteg fir den Edsun, deen eng erfollegräich Live-Show international vertriede konnt a beim Label Beast ënnerschriwwen huet. "Just Text" beschreift den Ëmgang mat toxesche Leit iwwer een zackege Beat, a laut en neit Kapitel fir de lëtzebuergesche R&B Sänger an. Wat bestoe bleift, sinn d'Referenzen op d'90er Joren an Texter iwwer "Empowerment". Den Edsun wäert 2023 och op der Bün stoen an nei Musek ass an der Maach, mat neien Inspiratiounen.
Méi zum Thema
Libeslidder vun ongewéinleche Plazen
Wat huet déi wëll Natur un der englescher Küst an de Parking vun engem Supermarché gemeinsam? Béid Plazen ware fir de Museker Matt Dawson Inspiratiounsquelle beim Lidder schreiwen.
Op der Sich no de musikalesche Wuerzelen
Flamenco, Jazz, Folk - all dës Aflëss fënnt een an der Musek vum Duo Triana y Luca, déi dëse Mount eng nei Single mam Titel "Raíz" virgestallt hunn. D'Claudine Muno huet mat der Band geschwaat.
